News Portal

रेडियो सुन्नुहोस्

निक साइमन्सद्वारा प्युठान अस्पताललाई युनिभर्सल जनरल एनेस्थेसिया मेसिन प्रदान

सिखबर संवाददाता १२ वैशाख
५८२ पटक
१२ वैशाख

प्युठान,जिल्ला अस्पतालबाट प्रदान गर्दै आएको सेवा सुविधाहरुलाई थप प्रभावकारी बनाउनका लागि ३० लाख रुपैयाँ बराबरको युनिभर्सल जनरल एनेस्थेसिया मेसिन हस्तान्तरण गरिएको छ।
निक साइमन्स इन्स्टिच्युटले आज एक कार्यक्रमको आयोजना गरी प्यूठान अस्पतालको सेवालाई प्रभावकारी र गुणस्तरिय बनाउनका लागि भेन्टिलेटरसहितको युनिभर्सल जनरल एनेस्थेसिया मेसिन सेट प्रदान गरेको इन्स्टिच्युटका ५ नं. प्रदेश संयोजक बिमल चन्द्र पुनले जानकारी दिए।
प्यूठान अस्पतालका निमित्त मेडिकल सुपरिटेन्डेण्ट डाक्टर अमृत पन्थीलाई उक्त मेसिन हस्तान्तरण गर्दै पुनले भने–“विगत ७ बर्षदेखि हामीले यस अस्पतालसंग सहकार्य गर्दै आईरहेका छौं।” बिशेष गरी ग्रामिण भेगका नागरिकहरुलाई सेवा प्रदान गर्ने ग्रामिण क्षेत्रमा रहेका अस्पतालहरुमा सहयोग गर्दै आईरहेको भन्दै उनले प्युठान अस्पताललाई प्रत्येक बर्ष ३ देखि ६ लाख रुपैयाँसम्मको स्वास्थ्य सामग्रीहरु आवश्यकता अनुसार उपलब्ध गराउँदै आएको जानकारी दिए। इन्स्टिच्युटले यस अस्पतालमा आवश्यक दक्ष जनशक्ति उपलब्ध गराउँदै आएको र चिकित्सकहरुको आवासगृह व्यवस्थापन लगायतका विभिन्न क्षेत्रहरुमा सहयोग गर्दै आएको उनको भनाई छ।
निक साइमन्ससंगै जिल्ला समन्वय समिति प्युठानले प्युठान अस्पतालमा आइसोलेशन वेड निर्माणका लागि ५ लाख बराबरका स्वास्थ्य सामग्री
प्रदान गरेको जिल्ला समन्वय समिति प्यूठानका प्रमुख तथा अस्पताल विकास
समितिका अध्यक्ष केशवराज आचार्यले जानकारी दिए ।

सेवा सुविधा प्रभावकारी बनाउन निक साइमन्स इन्स्टिच्युटले उक्त उपकरण प्रदान गरेकोमा इन्स्टिच्युटलाई धन्यवाद दिदैं डाक्टर पन्थीले यसले ग्रामिण भेगका नागरिकहरुलाई गुणस्तरीय स्वास्थ्य सेवा प्रदान गर्न सहज हुने बताए । यसले विश्वभर महामारीको रुपमा फैलिएको कोरोना भाईरस विरुद्धको लडाईमा स्वास्थ्यकर्मीहरुको मनोबल उच्च बनाउन सहयोग पुग्ने उनको भनाई छ।
त्यस्तै सहयोगदाता जिल्ला समन्वय समितिलाई पनि धन्यवाद व्यक्त गर्दै डाक्टर पन्थीले जिल्लामा रहेका सबै स्थानिय तहहरुबाट जिल्ला अस्पतालका लागि आईसोलेशन बेड निर्माण र आवश्यक पर्ने स्वास्थ्य सामग्रीका लागि सहयोगको अपेक्षा गरेको भन्दै सक्दो सहयोगका लागि सबैलाई अनुरोध समेत गरेका छन्।।

त्यस्तै प्रदेश नं ५ का प्रदेश सभा सदस्य कृष्णध्वज खड्काले
अस्पतालमा भएको आइसोलेशन बेडको निरिक्षण गरेका छन् । उनले अस्पतालमा रहेको ४
वेडको आइसोलेशनलाई १० बेडको बनाउँदै कोरोना विरुद्धको लडाईमा अग्रसर हुन र तयारीका लागि सबै सरोकारवालाहरुले प्रयास गरिरहेको बताए ।

प्रतिकृया दिनुहोस्

हामीस‌ग जोडिनुहोस।

सहिदहरुको सम्झानामा कविता वाचन एवम् रक्तदान कार्यक्रम गरी दिवस मनाइयो

प्यूठानमा सहिद दिवसको अवसरमा कविता वाचन एवम् रक्तदान कार्यक्रम भएको छ । सोमबार ६७ औ...

लामो समय पछि चोरी गर्ने व्यक्ति पक्राउ

पटक पटक चोरिमा संलग्न एक व्यक्तिलाई प्रहरीले पक्राउ गरेको छ । जिल्ला प्रहरी कार्यालय प्यूठानका...

नगर प्रमुख योगीको कानुनी सल्लाहकारमा अधिवक्ता शिवराज पण्डित नियुक्त

प्यूठान नगरपालिका प्रमुख बिष्णु बहादुर योगीको कानुनी सल्लाहकारमा अधिवक्ता शिवराज पण्डित नियूक्त भएका छन् ।...

शहीदका सपना पूरा गर्न हातेमालो गरौं : प्रचण्ड

प्रधानमन्त्री पुष्पकमल दाहाल ‘प्रचण्ड’ ले शहीदको सपना पूरा गर्न सबैले हातेमालो गरेर अगाडि बढ्नुपर्नेमा जोड...

जनताप्रति सरकार उत्तरदायी नभएको राष्ट्रिय जनमोर्चा प्यूठानको गुनासो

राष्ट्रिय जनमोर्चा प्यूठानले सरकार जनताप्रति कहिल्यै उत्तरदायी नभएको गुनासो गरेको छ । आईतबार राष्ट्रिय जनमोर्चा...

हामिस‌ग जोडिनुहोस।

समाचार सुचना र मनोरञ्जनका लागी