२०७८ कार्ति १६नेकपा एमाले गौमुखी गाउँपालिका कमिटि जुमानसिंह जि.सी.को नेतृत्वमा चयन भएको छ । सर्वसहमतीका लागि प्रथम अधिवेशनको बन्द सत्र स्थगित भएको थियो । मंगलवार बिहान निर्वाचित कमिटिको उपाध्यक्ष शुवास के.सी., सचिव बसन्त चन्द, सह सचिव याम बहादुर थापा र दिपा बोहोरा रहेका छन् ।
कमिटिका सदस्यहरु यसअघि नै सर्व सहमतिमै चयन भएका थिए । अध्यक्ष पदका लागि आयोजक समितिका अध्यक्ष जुमानसिंह जि.सी. र ज्ञानुमाया के.सी.को दावेदारी थियो । यो सँगै जिल्लाका ९ वटै स्थानीय तहमा सर्वसहमतिमा नेतृत्व चयन भएका छन् । यसअँघि जिल्लाका ९ वटै वडामा वडा अधिवेशन सर्वसहमत सम्पन्न भएका छन् ।
प्यूठान नगरपालिकामा सर्वसहमतिमा आउँन नसक्दा ५ दिन पछि सर्वसहमतिमा भई गत आइतवार सपथ ग्रहण गरेका छन् । प्यूठान नगरपालिकामा टंक बहादुर खड्का, नौबहिनीमा विष्णु के.सी., मल्लरानीमा सुनिल शाही (लेकाली), झिमरुकमा ईन्द्रमणि पोख्रेल, माण्डवीमा याम बहादुर घिमिरे, ऐरावतिमा श्याम थापा, सरुमारानीमा बसन्त बहादुर जि.सी., स्वर्गद्वारीमा रामप्रसाद श्रेष्ठ सहितका पदाधिकारी निर्वाचित भएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
