News Portal

रेडियो सुन्नुहोस्

देखिन छाडे झिमरुक फाँटमा हल गोरु

यान्त्रिककरणले किसानलाई सहज

सुजाता थापा क्षेत्री/तेजेन्द्र बि.एम.२०७८ कार्तिक २८, प्यूठान
५९५ पटक
२०७८ कार्तिक २८, प्यूठान

हरेक वर्ष तिहार पछि झिमरुक फाँटमा गहुँ छर्ने काम सुरुहुन्छ । केहि वर्ष अघिसम्म झिमरुक फाँटमा गहुँ छर्न नारेका हल गोरुले फाँट भरिभराउँ जस्तै देखिन्थे । तर, हिजोआज किसानको खेति गर्ने तरिका फेरिँएको छ । झिमरुक फाँटमा हलगोरु देखिन छाडेका छन् । किसानको खेतमा सररर ट्रयाक्टरले एकैछिनमा जोतेर गहुँ छरेर भ्याइदिन्छ, किसान खुशी हुन्छन् ।

प्यूठान नगरपालिका–४ बिजुवार फाँटमा गहुँ छरी खेत ट्रयाक्टरले जोताउँदै गरेको अवस्थामा भेटिएका प्यूठान नगरपालिका–३ रातामाटाका किसान विष्णुवहादुर के.एमले ट्याक्टरले गहुँ छर्न निकै सहज हुन थालेको बताए । ‘गोरु लगाएर खेत बाँजो मार्न मात्रै ३ दिन लाग्थ्यो,’ उनले भने, ‘गोरुले जोत्दा खेतमा ठूला ठूला डल्ला हुन्थे फूट्याउनै गाह्राे ।’ बाँझो मारेपछि पूनः गहुँ छर्न ३ दिन समय छुट्टाउनु पर्ने झन्जट ट्रयाक्टरले जोताउन थालेपछि हटेको के‍.एमले बताए ।

अहिले हलि, गोरुको दैनिक ज्याला १ हजार ५ सय देखि १ हजार ७ सय सम्म दिन पर्नेमा ट्याक्टरले जोताउँदा आधाभन्दा धेरै रकम बचत हुन थालेको बताए । के.एमका अनुसार ट्रयाक्टरद्वारा जोताउँदा समयको बचत हुने, पैसा पनि कम खर्च हुने, बाँझो खेतमा नै सिधैँ गहुँ छर्न मिल्नुका साथै डल्ला फोर्नका लागि छुट्टै खेताला खोज्नु पर्ने झन्झट हटेको बताए ।

त्यस्तै प्यूठान नगरपालिका–४, निवासी सावित्रा नेपालीले ट्रयाक्टरले खेत जोताउन थालेपछि खेति गर्न सहज हुन थाले बताइन् । ‘३ वर्ष देखि ट्रयाक्टर मार्फत गहुँ छर्दै आएका छौँ’, उनले भनिन्, ‘सजिलै गहुँ छर्न पाएकोमा धेरै सहज भएको छ । ट्रयाक्टर मार्फत जोताउँदा मिनेटको ५० रुपैयाँ लिने गरेको छ ।’

झिमरुक फाँटमा किसानहरुले रोपाइँका बेलामा फाट्टफुट्ट गोरुले जोतेर रोपाई गरेपनि पछिल्लो समयमा पनि हाते ट्रयाक्टरले जोतेर रोपाई गर्न थालेको स्थानीय सिता के.एमले बताइन् । प्यूठानका पाखो बारीमा मकै भित्राएको केहि दिन मै गहुँ, तोरी र फापर जस्ता अन्न छर्ने गरिन्छ । गाँउमा जाँदा कार्तिक महिनामा तोरी र फापर ढकमक्क फुलेको हुन्छन् । गाउँघरमा समेत ट्रयाक्टर, हाते ट्रयाक्टर प्रयोग गरि खेतिपाति गर्न थालिएको छ ।

प्रतिकृया दिनुहोस्

हंसपुर स्वास्थ्य चौकीमा कार्यरत ल्याब असिस्टेन साधना के.सीले आफनो जन्मदिन क्षयरोग विरामीसँग मनाईन

सरुमारानी गाउँपालिकाको हंसपुर स्वास्थ्य चौकीमा कार्यरत ल्याब असिस्टेन साधना के.सीले आफनो जन्मदिन क्षयरोग विरामीसँग मनाएकी...

प्रचण्डले पाएनन् विश्वासको मत

१८ महिनापछि प्रधानमन्त्री पुष्पकमल दाहाल ’प्रचण्ड’ सत्ताबाट बाहिरिएका छन् । प्रतिनिधि सभामा शुक्रबार राखेको विश्वासको...

‘रेड एड्भाइजरी’ जारी भएका दिन रात्रिकालीन सवारी सञ्चालनमा रोक

‘रेड एड्भाइजरी’ (उच्च जोखिमको सूचना) जारी भएका दिन तोकिएका जिल्लाहरूमा रात्रिकालीन सवारी सञ्चालनमा रोक लगाईएको...

नारायणगढ–मुग्लिन सडकमा पहिरोले दुई वटा बस त्रिशुली नदीमा मिसायो

नारायणगढ–मुग्लिन सडकको सिमलतालमा लेदोसहितको पहिरोले २ वटा बस बगाएको छ । शुक्रबार बिहान साढे ३...

यूवा गैरसरकारी संस्था महासंघ प्यूठान शाखा अध्यक्षमा प्रज्वल पहाडी

यूवा गैरसरकारी संस्था महासंघ प्यूठानको भेला सम्पन्न भएको छ । मंगलबार जुम्रीमा भएको भेलाले प्रज्वल...