ग्रामिण क्षेत्रका कच्चि बाटोमा चल्ने सवारी साधनहरुमा यात्रुहरुको चाप बढि छ। तर ग्रामिण क्षेत्रमा मात्र नभएर शहरि क्षेत्रमा पनि यात्रुहरुमा एउटै समस्या छ। सर्वसाधारण जोखिम मोलेरै यात्रा गर्न तयार छन् भने चालकहरु पनि जोखिम मालेरै चलाउन बाध्य छन् ।

धेरैजसो ग्रामिण क्षेत्रमा चल्ने सफारी र पिक अप जिपमा उकुस–मुकुस हुदै यात्रुहरु सवार गर्छन् । सिट क्षमता भन्दा बढि मात्र होइन, ज्यान नै जोखिममा राखेर गाडिका छतमा समेत यात्रुहरु सवार हुन्छन्। ग्रामिण क्षेत्रका गाडि चालकहरुले ट्राफिकको आँखा छल्दै यात्रुहरु सवार गराउँछन् भने यात्रुहरु पनि प्रहरीको आँखा छलेर चेकिङ पोष्टमा पैदल हिड्ने गर्दछन् ।

यस्तो जोखिम यात्रामा सर्वसाधारण सहित जान्ने बुझ्ने ब्यक्ति पनि चढीरहेका हुन्छन्। गाउँ ठाउँमा ट्राफिक प्रहरी नहुनु र प्रयाप्त यात्रु वाहक सवारी साधन नचल्दा यस्ता समस्या दोहोरीरहेका छन्। यात्रु, चालक र सवारी धनी सबैलाई जोखिमपुर्ण यात्रा हो भन्ने थाहा हुँदा हुँदै पनि वास्ता गरीरहेका हुदैनन्। प्रहरीको आँखा छलेर यात्रा गर्नुभन्दा सबै नागरिक आफै जिम्मेवार बन्न जरुरी हुन्छ ।

यात्रु चढ्यो भनेर कोचाकोच गराउने सवारी चालक र जोखिम नै हो भन्ने थाहा भएर पनि चढ्ने यात्रु दुबै गैर जिम्मेवार हुन् ।