News Portal

रेडियो सुन्नुहोस्

बाख्रा उपहारले महिलाहरूमा ल्यायो खुसी

 प्युठानको बेसीगाउँ बाख्रापालन तर्फ आकर्षित

ओमप्रकाश गुप्ता२०७८ पुस १४ प्युठान
७२५ पटक
२०७८ पुस १४ प्युठान

प्युठानको सरूमारानी गाउँपालिका वडा नम्बर ४ बेसिगाउँका स्थानीय महिलाहरु बाख्रापालन तर्फ आकर्षित भएका छन् ।

मगर समुदायको बाक्लो बस्ती रहेको सो गाउँका महिला दिदीबहिनीहरुले बाख्रा पालेर आफ्नो जिवन निर्वाह गरिहेका छन् । जिल्लाको बिकट गाउँ मानिने बेसीगाउँका अधिकाशंको घरमा बाख्रा पालन गरेको देखिन्छ ।

त्यहाँ एक आपसमा बोल्दा मगर खाम भाषामै बोल्ने गरिन्छ । कालिमाटी महिला समुहमा आवद्ध महिलाहरु पछिल्लो समय बाख्रा पालन गर्दै आएका छन् । गाई बाख्रा पाल्ने, खेतीपाती गर्ने त्यहाँको मुख्य पेशा हो । रोजगारीका लागि कोही तेस्रो मुलुक पुगेका छन त कोही भारत र कोही नेपालका बिभिन्न शहरमा पुगेका छन् । तर महिला दिदी बहिनीहरुले भने बाख्रा पालेर घर व्यवहार चलाई रहेका छन् ।

श्रीमानको हात थाप्न परेको छैन । महिलाहरुले केहि गर्न सक्दैनन भन्नेहरुलाई एउटा गतिलो उदाहरण समेत बनेको छ । किसानको आयस्तर बढाउन सरूमारानी गाउँपालिका, हेफर प्रोजेक्ट नेपाल र ग्रामिण विकास समाज नेपालको साझेदारीमा सरूमारानी गाउँपालिका वडा नम्बर ४ बेसिगाउँका निम्न आयस्तर भएका २५ जना महिला किसानलाई निशुल्क बोका र बाख्रा उपहार स्वरुप वितरण गरिएकोे छ ।

सरुमारानी गाउँपालिकाले कृषि तथा पशु उद्यमशीलता विकास परियोजना संचालन गरेको छ । निम्न आयस्तर भएका किसानको जीवनयापनमा सजिलो होस् भनेर स्थानीय पालिकाले ती साझेदार संस्थाले सहकार्य गरेको गाउँपालिकाका अध्यक्ष झगबहादुर विश्वकर्माले बताए । विपन्न वर्गका किसानको आयआर्जनमा बृद्धि गर्ने उद्देश्यले सरूमारानी गाउँपालिका वडा नम्बर ४ बेसिगाउँ कालिमाटी महिला समुहका २५ जना महिला किसानलाई दुई लाख तिस हजार मुल्य बराबरको २५ वटा बाख्रा र एउटा बोका उपहार प्रदान गरेको हेफर प्रोजेक्ट नेपालका अधिकृत जगत चौधरीले बताए ।

ग्रामिण विकास समाज नेपालका अध्यक्ष यमराज खनालको अध्यक्षता एवम् सरुमारानी गाउँपालिका अध्यक्ष झगबहादुर विश्वकर्माको प्रमुख आतिथ्यतामा भएको कार्यक्रममा ४ नम्बर वडा अध्यक्ष चिन्ताबहादुर सोमै मगर लगायतका वक्ताहरुले बोलेका थिए । कार्यक्रमको सञ्चालन ग्रामिण विकास समाज नेपालका कार्यक्रम संयोजक बेदुराज शर्माले गरेका थिए । यसभन्दा अगाडि तालपानी र दाङसिङ्ग मांद्रे कृषक महिला समुहलाई सोहि मुल्य बराबरको २५ वटा बाख्रा र एउटा बोका वितरण गरिएको अधिकृत चौधरीले जानकारी दिनु भएको छ ।

बाख्रा वितरणको लागी सरुमारानी गाउँपालिकाले एक करोड ५० लाख र हेफर प्रोजेक्ट नेपालले ५५ लाख बजेट विनियोजन गरेको हो ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

विश्व दृष्टि दिवसमा प्रहरी र पत्रकारहरुको आँखा जाँच

विश्व दृष्टि दिवस प्यूठानमा पनि मनाइएको छ । हरेक वर्ष अक्टोबर महिनाको दोस्रो बिहीबारलाई विश्व...

प्यूठान बिजुवारदेखि रारासम्म

भनिन्छ यात्रा हो जीवन । आफ्नै सेरोफेरोमा चलेको जिन्दगीलाई अलि पर मुगु रारासम्म पु¥याउने भ्रमण...

रजवारामा डेढ लाख पुरस्कार राशिको भलिबल प्रतियोगिता हुँदै

गौमुखी गाउँपालिका ३ रजवारामा डेढ लाख रुपैयाँ नगद पुरस्कार राशि रहेको भलिबल प्रतियोगिता हुने भएको...

प्रहरीद्वारा प्यूठानमा तोडफोड र आगजनीमा संलग्नको सूची तयार

प्रहरीले जेनजी आन्दोलनको नाममा भाद्र २४ गते प्यूठानमा तोडफोड र आगजनीमा संलग्न  भएकाहरूको सूची तयार...

१० वर्षीय वालिकालाई झिमरुक खोलाले बगायो, खोजी कार्य जारी

प्यूठानको झिमरुक खोलाले १० वर्षीय वालिकालाई बगाएको छ । मङ्गलबार पौडी खेल्ने क्रममा झिमरुक गाउँपालिका...