News Portal

रेडियो सुन्नुहोस्

प्यूठानमै खुल्यो प्याड उद्योग

सुजाता थापा क्षेत्री२०७८ पुष १५, प्यूठान
१४५२ पटक
२०७८ पुष १५, प्यूठान

प्यूठान जिल्लामै सेनिटरी प्याड उद्योग खुलेको छ । प्यूठान नगरपालिका ३, रातामाटामा किशोरी सेनिटरी प्याड उद्योग सञ्चालनमा ल्याइएको ब्यवसायी इन्दिरा पोख्रेलले बताइन् ।

‘गतवर्षदेखि नै उद्योग सञ्चालनको लागि तयारी गरेकी हुँ’ सञ्चालक पोख्रेलले भनिन्, ‘लकडाउन भएका कारण कच्चा पदार्थ किन्न नपाउँदा ढिलो भयो ।’ उनका अनुसार यो उद्योग २०७८ असौज महिनाबाट सञ्चालनमा छ । रातामाटामा स्थापना गरीएको उद्योगमा २५ लाख रुपैयाँ लगानीमा स्थापना गरीएको उनले बताइन् ।उद्योगका लागि मेसिनरी सामान भारतको नयाँ दिल्लीबाट ल्याइएको छ । कच्चा पदार्थ चिनबाट ल्याउने गरेको उनले बताइन् ।

उद्योगबाट अटोमेटिक सेनिटरी प्याड मेकिङ मेसिनले प्रति मिनेट ६० वटा सम्म प्याड उत्पादन गर्न सक्छ । उद्योग सञ्चालन गरेको ३ महिनामै आफू व्यवसाय सञ्चालनमा उत्साहित भएको उनले झुलेनी पोष्टसँगको कुराकानीमा बताइन् । ‘उद्योग चलाएको ३ महिनामा करिब २ लाख ५० हजारको कारोवार भयो’, उनले भनिन्, ‘हालसम्म ३ हजार पिस विक्रि भइसकेको छ ।’ उद्योगबाट बिक्रिका लागि १५ हजार पिस सेनिटरी प्याड तयारीमा छन् ।

प्याड सुरक्षित बनाउनका लागि हानिकारक व्याक्टेरीया मार्ने र ढुसि रहित बनाउने कामका लागि स्ट्रेलाइजर मेसिन प्रयोगमा रहेको छ । प्याड प्याकिङ गर्नका लागि मेनुअल प्याकिङ मेसिन समेत राखेकी छिन् । प्याड बनाउन नन ओभन, स्याप सिट (कपास), ब्याक सिट, गम पेपर, रिलिज पेपर लगायतका कच्चा पदार्थ प्रयोग गरीदै आएको छ । प्याकिङ गर्नको लागि प्याकिङ प्लास्टिक समेत आवश्यक पर्छ । उद्योगबाट बिभिन्न ४ साइजमा ३ सय २०, ३ सय, २ सय ओसी र २ सय ४० एम.एम.को साइजमा प्याड उत्पादन हुँदै आएको छ ।

उद्योगमा आफूसँगै अन्य ४ महिलाले रोजगार पाएको सञ्चालक पोख्रेलले बताइन् । उद्योग सञ्चालनका लागि पोख्रेलले भारतको नयाँ दिल्लीमा एक हप्ताका तालिम लिएकी हुन् । तालिम लिदाका बखत यातायात र आवासिय खर्च गरि ५० हजार भारतिय रकम खर्च भएको बताइन् । विभिन्न गैर सरकारी संघ संस्थामा काम गरेकी उनले जागीर गर्दा काम बढी र तलव थोरै हुने भएकाले नयाँ व्यवसायको सोंच बनाएर व्यवसाय थालेको बताइन् । प्याड खरीद गर्नका लागि प्यूठान सहित रोल्पाबाट माग आएको उनले बताइन् ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

एकिकृत कृषि कार्यालयद्वारा चालु वर्षका योजनाहरुको अनुगमन

एकिकृत कृषि तथा पशुपंक्षी विकास कार्यालय प्यूठानले चालु आर्थिक वर्षमा सञ्चालित विभिन्न योजनाको अनुगमन गरेको...

बीमाको विषयमा पत्रकारसंग अन्तरक्रिया सम्पन्न

बीमाको विषयमा पत्रकारहरुसँग छलफल तथा अन्तरक्रिया कार्यक्रम जुम्रीमा सम्पन्न भएको छ । नेपाल बीमा प्राधिकरण...

प्यूठानमा विगतभन्दा धेरै बजेट आएको छः मन्त्री थापा

लुम्बिनी प्रदेशका सहरी विकास तथा खानेपानी मन्त्री सरोज थापाले विगतभन्दा जिल्लामा धेरै बजेट आएको बताएका...

सामुदायिकतर्फ सर्वोदय माविको नतिजा जिल्लामै उत्कृष्ट

शैक्षिक वर्ष २०८१ को एसइई नतिजामा सर्बोदय माध्यमिक विद्यालयको नतिजा प्यूठानमै उत्कृष्ट भएको छ ।...

एसइईमा सुध्रियो प्यूठानको नतिजा, भानुभक्तका प्रज्वल जिल्ला प्रथम

एसइई परीक्षा २०८१ को नतिजा सार्वजनिक भएको छ। अघिल्लो वर्षको तुलनामा यो वर्षको नतिजामा सुधार...