मल्लरानी गाउँपालिकाका अध्यक्ष अमरध्वज राना सहितका व्यक्तिलाई विप्लव नेतृत्वको नेकपाका कार्यकर्ताले अपमानजनक र अमानविय कार्य गरेको दु:खद, निन्दनीय र भर्त्सना योग्य रहेको भन्दै राष्ट्रिय जनमोर्चाले प्रेस वक्तव्य जारी गरेको छ । साथै जिल्ला पार्टीको योजना र निर्देशनमा यस्तो कार्य भएको नेकपा विप्लव समुहको जिल्ला समितिले निकालेको वक्तव्यबाट प्रष्ट बुझिएको समेत राजमोको वक्तव्यमा उल्लेख गरिएको छ ।

राष्ट्रिय जनमोर्चाका जिल्ला सदस्य, अखिल नेपाल जनजाती महासंघका केन्द्रीय महासचिव समेत रहनुभएका राना सहित, पालिकाका प्रमुख प्रशासकीय अधिकृत बालकृष्ण थापा लगायतलाई चन्दा नदिएको पूर्वाग्रह साँधेर हातपात गर्दै कालोमोसो दलेको भन्दै आफ्ना गलत कार्य रोक्न चेतावनी समेत दिएको छ ।