प्यूठान नगरपालिकाले शुक्रबार सार्वजनिक सुनुवाइ कार्यक्रम गरेको छ। नेपाल पत्रकार महासंघले सहजीकरण गरेको कार्यक्रममा आ.व. २०७८÷०७९ को प्रगति विवरण सार्वजनिक गर्नुका साथै सेवाग्राही र नगरवासिसंग दोहोरो संवाद समेत गरिएको थियो । कार्यक्रममा प्रमुख प्रशासकीय अधीकृत महेश कुमार गुरुङ्गले प्रगति प्रतिवेदन प्रतिवेदन पेश गर्दा नगरपालिकाको सन्तोषजनक भौतिक तथा बित्तिय प्रगति देखिएन। नगरपालिकाको कुल बजेटको हालसम्म ३३.४८ प्रतिशत मात्र बजेट खर्च भएको सार्वजनिक गरियो । यद्यपी ९० प्रतिशत योजनाहरु सम्झौता भएको भनिएको छ ।
नगरपालिकाले आफै बताए अनुसार पनि यी योजनाहरु विगत वर्षहरुमा झै यस वर्ष पनि असारकै समयमा हतार हतार सक्नुपर्ने हुन्छ । असारमा हतारहतार गर्ने कामले उपलब्धि राम्रो देखिदैन । प्यूठान नगरपालिकामा, फोहोरमैला व्यवस्थापन, बाग्दुलामा रहेको तरकारी तथा फलफुल संकलन केन्द्र संचालन, नागरिक सहायता कक्ष (हेल्प डेस्क) सुचारु, योजनाका सार्वजनिक सुनुवाइहरु नहुने, सार्वजनिक सुचना बोर्ड नराख्ने विगतका सार्वजनिक सुनुवाइमा उठ्ने गुनासाहरु यसपटक पनि दोहोरिए । हरेक पटक सञ्चालन हुने सार्वजनिक हुने सुनुवाइमा सेवाग्राहीबाट उठेका सवालहरुमा प्रतिवद्धता जनाउने गरेपनि कार्यान्वयन गरेको देखिदैन ।