सञ्चार क्षेत्रको विकासको लागि स्थानीय सरकारको भूमिका नपुगेको प्यूठानका कृयाशिल पत्रकारहरुले गुनासो गरेका छन् । नेपाल पत्रकार महासंघ केन्द्रको आयोजना तथा पत्रकार महासंघ प्यूठान शाखाको समन्वय र मल्लरानी गाउँपालिकाको सहयोगमा आज जिल्ला समन्वय समितिको सभाहलमा सञ्चार क्षेत्रको प्रवद्धनमा स्थानीय सरकारको भूमिका विषयक अन्तरक्रियात्मक कार्यक्रममा सञ्चारकर्मीहरुले गुनासो गरेका हुन् ।
अन्तरक्रिया कार्यक्रमा बोल्ने अधिकांश सञ्चारकर्मीहरुले स्थानीय तहहरुले बनाउने बजेट निति तथा कार्यक्रममा सञ्चारमाध्यलाइ उपेक्षा गरेको बताए ।
नेपाल पत्रकार महासंघका केन्द्रीय अध्यक्ष विपुल पोख्रेलको प्रमुख आथित्यतामा भएको कार्यक्रममा, मल्लरानी गाउपालिका अध्यक्ष अमरध्वज राना, उपाध्यक्ष सरीता जीसी, नेपाल पत्रत्रकार महासंघ केन्द्रिय सदस्य शुशिल पोख्रेल, पत्रकार महासंघ प्यूठानका पूर्व अध्यक्ष गिरुप्रसाद भण्डारी, मल्लरानी गाउँपालिकाका प्रमुख प्रशासकिय अधिकृत बालकृष्ण थापा लगायतले मन्तव्य राखेका थिए ।
नेपाल पत्रकार महासंघ प्यूठानका अध्यक्ष शञ्जय रिजालको अध्यक्षतामा भएको कार्यक्रमको सञ्चालन नेपाल पत्रकार महासंघ प्यूठानका सचिब प्रकाश बैद्यले गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
