प्यूठान श्रावण २५ शुक्रवारस्वर्गद्वारी नगरपालिकाकाे केन्द्र भिंग्री बजारमा भएकाे यातायतकाे साधनकाे अव्यवस्थित पार्किङले बजारकाे व्यवस्थापनमा केही असर परेकाे र पर्यटक बाेकेर यहाँ भित्रिने यातायातका साधनहरु यस क्षेत्रमा नियमित अावतजावत गर्ने यातायातका साधन तथा मालवाहक गाडीहरुले पार्किङकाे लागि निकै समस्या वहाेरी रहनु पर्ने अवस्था रहेकाे छ ।
उक्त समस्यालार्इ मध्यनजर गर्दै स्वर्गद्वारी नगरपालिका वडा नं ४ का वडा अध्यक्ष सुरेन्द्र हमालकाे अध्यक्षतामा बसेकाे अाम भेलाले उत्पन्न समस्याकाे हल गर्नकाे लागि बजार नजिकै रहेकाे वसपार्कलार्इ व्यवस्थापन गर्नेकाे लागि समिति गठन गरिएकाे छ ।
वसपार्क निर्माणका लागि यहाँका स्थानीय मदुसुधन रावल, शाेभाराम नेपाली, रमेश कुमार श्रेष्ठ, चित्र बहादुर नेपाली लगायतका व्यक्तिहरुले जग्गादान गरेका थिए । उक्त वसपार्क व्यवस्थापनका लागि स्थानीय स्थानीय गणेशमा कालाथाेकी (भिम) काे अध्यक्षतामा ११ सदस्यीय वसपार्क व्यवस्थापन समिति गठन गरिएकाे छ ।
उक्त अाम भेलाले वसपार्ककाे स्वर्गद्वारी नमूना वसपार्क नामाकरण समेत गरेकाे छ । अव वसपार्क व्यवस्थित रुपले संचालनमा ल्याइ विगत केही समयदेखि भिङग्री बजारमा सवारी साधनका कारण अाएकाे अस्तव्यस्थता तथा उत्पन्न भएकाे समस्यालार्इ पूर्णरुपमा सामाधान गरिने र कुनैपनी यात्रु तथा यातायातकाे साधनहरुले समस्या वेहार्नु नपर्ने अध्यक्ष भिमले बताउनुभयाे ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
