प्यूठान जिल्ला स्वर्गद्वारी नगरपालिका करिव आधा दर्जन साविको गाविसका किसानलाई बादर धपाउने कामले दिन वित्ने गरेको छ । नगरपालिका भित्रका साविकका वेल्वास, सारी, भिंग्री, गोठिवाङ लगायत अन्य ठाउँका जनता बिहान देखी साझ सम्म नै बारी र जंगलमै दिन कटाउन परेको बताउँछन ।

बादर हेर्न आएका स्थानीयका अनुसार जंगली जनावरको आतंक कारण दैनिकजसो दिउसोको समयमा बाँदर धपाउनको लागि समुदायका अधिंकाश कृषकहरु बारिको ढिकमा बसेर दिन कटाउने गरेको स्थानीय ७५ वर्षिय मोहनलाल कालाथोकीले बताउनुभयो ।
यहाँका बादर पिडित कृषकहरु भन्छन बादरले सास्ती दिएर हैरान पारेको बताउछन वर्षभरी दुख गरेर केहि हुन्छकी भनेर खेती ग¥यो कहिले हावाहुरीले विनास गर्छ त कहिले जंगली जनावरले हैरानी पार्छ’ ‘गरिवलाई कहिल्यै राम्रोसंग खान पुग्दैन, लागाएको वालीनै बादरले सखाप पारे पछि केही उपाए छैन भन्नुहुन्छ स्थानीय कृषक धनिराम जैसी ।

बादर आतंकले हैरानी बनाएको स्थानीयको जनगुनासो आएपछी निरिक्षणका लागि सम्बन्धीत स्थानमा जादै गर्नुभएका वडा नं ७ का वडा अध्यक्ष टेक बहादुर भट्टराइले यसक्षेत्रमा बादर आतंकको वर्षेनी समस्या हुने भएकाले नै अहिलेको नयाँ आर्थिक वर्षमा नगरपालिकाले बादर नियन्त्रको लागि भन्दै रु १० लाख रुपैया विनियोजन गरेको जानकारी दिनुभयो ।

नगरापलिकाले दश लाख रुपैया वजेट बादर नियन्त्रणको लागि भन्दै विनियोजन गरेको पैसा त्यहाँका जनताले हामीलाई कुनै जानकारी छैन हाम्रो समस्या र दुख जस्ताका तस्तै छन भन्छननी केहो ? भन्ने हाम्रो प्रश्नमा वडा अध्यक्ष भट्टराइले बादर नियन्त्रणको लागि तालिम प्राप्त व्यक्तिहरुको आवश्क पर्ने हुँदा बादर नियन्त्र गर्ने व्यक्तिहरु सँग समन्वय र पहकदमी भैरहेको हुदाँ जनताले यो समस्यावाट तत्कालै छुटकरा पाउने उहाँले बताउनुभयो ।