![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2022/06/makai-600x400.jpg)
प्यूठानमा वर्षा नहुदा खडेरीले अन्नबाली सुक्न थालेको छ । असार सुरु भै सक्दा समेत आकासबाट पानी नपर्दा किसानहरुले खेतबारीमा रोपेका मकै, धानको विऊ,तरकारी बाली लगाएत सुक्न थालेपछि किसानहरु चिन्तित बनेका छन ।
प्यूठानका धेरै ग्रामिण भेगहरुमा खेतीपाती गर्नका लागि आकासे पानीको भर पर्नु पर्ने बाध्यता छ । विकट क्षेत्रमा सिँचाई सुविधा नहुदा यहाँका किसानहरुलाई आकासे पानिमा भर पर्नुपरेकाे हाे ।
समयमा पानी परेन खानेपानी आधा घण्टाको समय लगाएर बोक्नु पर्छ, त्यो पानी मान्छेले खाने की गाई वस्तुलाई खुवाउने ? सारै पिरोलेको छ, माण्डवी गाउँपालिका वडा नं.२ मर्कावाङ धन्चौर निवासी वसन्ता खत्रीले भन्नुभयो ! घरखर्च चलाउने भनेर बारीमा टमाटर रोपेका छौ, चर्को घामले महिना दिनको मेहिनत खेर गयो, बारीमा मकै सबै सुकेका छन, धानको विउँ राखेको त्यो पनि खेतमै सुकेको छ ; उहाँले दुखेसो सुनाउनुभयो ।
जिल्लाको उत्तरी क्षेत्रमा केही मात्रामा पानी परे पनि अन्य स्थानमा भने पानी पर्न सकेको छैन । सिँचाईको सुविधा भएका किसानहरुले सिँचाई गरेर खेतीबाली जोगाए पनि सिँचाईको असुविधा भएको स्थानका किसानहरु आकासे पानीको प्रतिक्षामा छन ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)