इन्टरनेट सेवा प्रदायक कम्पनी वर्डलिंक कम्यूनिकेसन्स लिमिटेड जिल्ला शाखा प्यूठानले बिच्छाइएको तार (अप्टिकल फाइवर) पटक–पटक काटिदै आएको छ । सेवा विस्तारको लागि प्यूठान नगरपालिका ७ र मल्लरानी ४ जोड्ने सारिवाङ झोलुङ्गे पुल क्षेत्रमा पटक–पटक तार काटिएको शाखा प्रमुख खगेन्द्र कुस्मीले बताए । श्रावण १ गते राती करिव १० बजे तार काटिएपछि सेवा प्रवाहमा समस्या आइरहेको वर्डलिंक प्यूठान शाखाले जनाएको छ ।

प्यूठानको खलंगामा वितरण बाकस तोडफोड समेत गरिएको प्रमुख कुस्मीले बताए । तार काट्नमा संलग्न व्यक्तिको पहिचान गरि आवश्यक कारवाहीको लागि इलाका प्रहरी कार्यालय विजुवारमा उजुरी दिएको शाखा प्रमुख कुस्मीले जानकारी दिए ।