शाैचालय निर्माण भएको १ महिना नपुग्दै भत्किदा स्वोगद्वारी दर्शनका लागि आवतजावत गर्ने धर्मावलम्बीहरू खुल्लाक्षेत्रमा दिसापिसाब गर्न बाध्य भएका छन ।

स्वर्गद्वारी नगरपालिका वडा नं -४ भिङग्रीकोट धर्मशाला भनिने ठाउँमा गत असार महिनामा ४ कोठे सार्वजनिक शाैचालय निर्माण गरिएको थियो ।

निर्माण भएको एक महिना नपुग्दै शाैचालयको खाडल अविरल वर्षका कारण भत्किएको हो । दैनिक सयौंको सङ्ख्यामा स्वर्गद्वारी दर्शनका लागि आउने तिर्थयात्रुहरुले जथाभावी खुल्ला क्षेत्रमा दिसापिसाब गर्दा यस क्षेत्र नै दुर्गन्धित भएको स्थानीयले बताएका छन ।

स्वर्गद्वारीको प्रमुख गन्तव्य यसै क्षेत्रमा पर्ने हुदा यहाको बाटो हुदै तिर्थयात्रीहरू स्वर्गद्वारी पुग्ने गर्दछन् । यहाँका स्थानीयहरूले स्वर्गद्वारी प्रवेशको मूलद्वार भएकाले स्वर्गद्वारी प्रभुको तस्वीर,मन्दिरमा चढाइने प्रसाद, फूल माला लगायत विभिन्न पूजा सामग्रीहरू, पुस्तक लगायतका व्यापार गर्दछ्न,स्वर्गद्वारी प्रवेशद्वार देखि करिव ७ किलोमीटरको दुरिमा धर्मशाला रहेको छ । शाैचालयको खाडल भित्किएको लामो समय बितिसक्दा पनि सरोकारवाला निकायले कुनैपनि चासो नदेखाएको स्थानीयले आरोप लगाएका छन ।