भारतमा मोटरसाइकल दुर्घटनामा परी गम्भीर घाइते भएका जिल्लाको झिमरुक गाउँपालिका १ सौतामारेका विमल सुनारलाई आर्थिक सहयोग गरिएको छ ।
झिमरुक गाउँपालिका १ सौतामारेबाट रोजगारीको शिलशिलामा कतारमा पुगेका युवाहरुद्रारा संकलन गरिएको नगद रु ५० हजार ५सय ४० रुपैयाँ सहयोग गरिएको हो ।
सहयोग रकम विमल सुनार बचाउ अभियानका लागि कृषि विकास बैंक पुर्कोटदह ब्रान्च शाखामा पठाइएको कतारबाट सन्दिप सुनारले जानकारी दिएको पत्रकार दिपेन्द्र सुनारले बताए ।
साथै सुनारले विमलको सिघ्र स्वास्थ लाभको कामना गर्दै पठाएको उक्त रकम विमलको उपचारमा खर्च गरिदिन पत्रकार सुनारलाई आग्रह गरेका छ्न ।
कतारमा कार्यरत विमलका अंकल पुर्ण सुनार, दाइ सन्दिप सुनार र छिमेकी विनोद बि.क.को बिशेष पहलमा सहयोग रकम संङकलन गरिएको हो । उक्त अभियानमा ४६ जनाले सहयोग गरेका छ्न।
विमल गत असार ६ गते भारतमा मोटरसाइकल दुर्घटनामा परी गम्भीर घाइते भएका थिए । विमलको पहिले भारतको चुडामणि मल्टिस्पेलिस्ट हस्पिटलमा उपचार भएको थियो । भने, अहिले सोनि हस्पिटल हिसारको बिशेष कक्षमा राखी उपचार भइरहेको उनका मामा हुम बहादुर बि.क. ले बताएका छ्न।
आर्थिक हिसाबले विपन्न परिवारमा जन्मिएका विमलको बुवा अहिले परिवारको सम्पर्कमा छैनन् । घरमुली परिवारबाट सम्पर्कविहिन भएपछी परिवारको ऋण तिर्न र परिवारको गुजाराका लागि विमल भारतमा रोजगारीको लागि गएका थिए ।
उपचारमा धेरै रकम लाग्ने हुँदा, त्यसमाथी परिवारको आर्थिक स्थिती कमजोर भएका कारण विभिन्न संङ्घसंस्था र सामाजिक संन्जाल मार्फत आर्थिक सहयोग संकलन अभियान सुरु गरिएको हो ।