आज कुशे औसी/बुबाको मुख हेर्ने दिनको अवसर पारेर बुबाको सम्झनामा शैक्षिक सामाग्री वितरण गरिएको छ । जिल्लाको मल्लरानी गाउँपालिका वडा नं. ४ खलंगा निवासी समाजसेवि नबिनप्रकाश श्रेष्ठकाे परिवारले स्वर्गिय बुबा मेघलाल श्रेष्ठको सम्झनामा राष्ट्रिय अपाङ्ग सेवा संघ प्यूठानद्धारा संचालित शारीरिक अपाङ्गता अवास गृह खलंगामा बस्दै आएका बालबालिकाहरुलाई शैक्षिक सामाग्री प्रदान गरेका हुन् ।

राष्ट्रिय अपाङ्ग सेवा संघ प्यूठानका अध्यक्ष जुमान सिंह केसीको उस्थितीमा श्रेष्ठ परिवारले ११ जना बालवालिकाई कापी, झोला र विस्कुट लगाएतका सामाग्री प्रदान गरेका छन् । शारीरिक अपाङ्गता अवास गृह खलंगामा जिल्लाका विभिन्न स्थानका शारीरिक अपाङ्गता भएका बालवालिकाहरुले अध्यनन् गर्दै आईरहेका छन् ।

शारीरिक अपाङ्गता भएका बालवालिकाको शैक्षिक बिकासमा टेवा पुर्याउने उद्देश्य सहित केही नयाँ फरक सोच राखेर बुवाको सम्झनामा बालवालिकालाई सहयोग प्रदान गरेको समाजसेवी श्रेष्ठले बताए ।

पछिल्लो समय मानिसहरुले कुनै विशेष दिन, जन्मदिन लगाएतलाई फजुल खर्चको सट्टा फरक तरिकाले मनाउनुका साथै सामाजिक काममा सक्रियता देखाउन थालेका छन् ।