News Portal

रेडियो सुन्नुहोस्

जीवनकाे रङ्ग : बुटिक कलामा रम्दै मनि

सुजाता थापा क्षेत्री (भण्डारी)२०७९ आश्विन ०७, प्यूठान
९४५ पटक
२०७९ आश्विन ०७, प्यूठान

फेशन डिजाइन र बुटिकले नङ र मासुको जस्तो सम्बन्ध कायम गरेको छ । फेसन डिजाइनिङ अहिले विश्वमै करिअर निर्माणका लागि आधार बनेको छ । आर्थिक अवसर, खुला परिवेश, अनि ‘म पनि केही गर्न सक्छु’ भन्ने महत्वाकांक्षा लिएर प्यूठानका महिलाहरु परम्परागत चुल्होचौको सँगसँगै उद्योग व्यवसायमा समेत सक्रिय हुन थालेका छन् ।

फेशन डिजाइन र बुटिकको बढ्दो मागसँगै प्यूठानको विजुवारमा बुटिक व्यवसाय सञ्चालन गर्दै आएकी छिन् ३२ वर्षिय मनि रोका थापा मगर । उनी पछिल्लो समय एक सफल महिला लघुउद्यमीको रुपमा परिचित छिन् । प्यूठान नगरपालिका – ४ सेतीपोखरी निवासी मनिले सञ्चालन गरेको मनिविष्णु बुटिक एण्ड टे«निङ सेन्टर पछिल्लो समय बुटिक पारखीका बीच लोकप्रिय बन्दै गएको छ ।

फेशनको आधुनिक दुनियामा रमाउन चाहने पछिल्लो युवा पुस्तामाझ उनको बुटिक डिजाइन लोकप्रिय बन्दै गएको छ । पाँच वर्षअघि प्यूठान नपा ४ विजुवारमा करिब ३ लाखको लागतमा सञ्चालन गरेको व्यवसाय हाल साढे ५ लाखमा विस्तार गरेको झुलेनी पोष्टसँगको कुराकानीमा उनले बताइन् । आफु सँगै ३ जना महिलालाई समेत रोजगार प्रदान गरेकी छिन् ।
परम्परागत पोशाक घलेक, चोली, साडी, लगायत ब्लाउज, लेहेङ्गा, कुर्ता सुरुवाल, झोला, सुर्केथैली, वेहुलीका कपडाका प्रकार, पास्नीको लागि भोटो आदीका कपडामा आकर्षक बुट्टा भर्नेकाम गर्दै आएकी छिन् । उनले २०७३ सालमा नारी सिप समाज दाङ मार्फत बुटिकको तालिम पाएकी थिइन ।

प्यूठान र दाङका केहि ठाउँमा यस सम्बन्धी तालिम प्रशिक्षकको भुमिका निर्वाह गरि करिव ३ सय जना भन्दा बढि व्यक्तिलाई बुटिक प्रशिक्षण गराएको उनले बताइन् । स्थानीय स्तरमा मात्र सीमित उनको निर्माण सामग्री देशका विभिन्न ठाउँमा निर्यात गर्दै आएको मनिले बताईन । उनको बुटिक पसलमा निर्माण भएको सामाग्री युट्युबमा भिडियो हेरी पुर्वी जिल्ला झापाबाट समेत सिप सिक्न आएको उनले बताइन ।

 

 

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

एकिकृत कृषि कार्यालयद्वारा चालु वर्षका योजनाहरुको अनुगमन

एकिकृत कृषि तथा पशुपंक्षी विकास कार्यालय प्यूठानले चालु आर्थिक वर्षमा सञ्चालित विभिन्न योजनाको अनुगमन गरेको...

बीमाको विषयमा पत्रकारसंग अन्तरक्रिया सम्पन्न

बीमाको विषयमा पत्रकारहरुसँग छलफल तथा अन्तरक्रिया कार्यक्रम जुम्रीमा सम्पन्न भएको छ । नेपाल बीमा प्राधिकरण...

प्यूठानमा विगतभन्दा धेरै बजेट आएको छः मन्त्री थापा

लुम्बिनी प्रदेशका सहरी विकास तथा खानेपानी मन्त्री सरोज थापाले विगतभन्दा जिल्लामा धेरै बजेट आएको बताएका...

सामुदायिकतर्फ सर्वोदय माविको नतिजा जिल्लामै उत्कृष्ट

शैक्षिक वर्ष २०८१ को एसइई नतिजामा सर्बोदय माध्यमिक विद्यालयको नतिजा प्यूठानमै उत्कृष्ट भएको छ ।...

एसइईमा सुध्रियो प्यूठानको नतिजा, भानुभक्तका प्रज्वल जिल्ला प्रथम

एसइई परीक्षा २०८१ को नतिजा सार्वजनिक भएको छ। अघिल्लो वर्षको तुलनामा यो वर्षको नतिजामा सुधार...