प्युठान ,  नेपाल कम्युसिनस्ट पार्टी(मशाल)का केन्द्रीय सदस्य शशिधर भण्डारीले मोहोनबिक्रम सिंहले एक्लौटी तरिकारले पार्टी चलाउन थालेपछि नयाँ पार्टी नेपाल कम्युसिनस्ट पार्टी(मशाल)जन्माउन परेको बताएका छन् । आज(बिहिबार) प्यूठानको नयाँबजारमा आयोजना गरेको पत्रकार भेटघाट कार्यक्रमा भण्डारीले आफूहरुले आठौ महाधिवेशनमा फरक मत राख्दा बित्तिकै पार्टीबाट निकाश्न गर्ने काम नेतृत्वबाट भएको बताए । ‘आठौं महाधिवेशनले दक्षिणपन्थी बाटो समातेपछि त्यसलाई सच्चाउन हामीले तात्कालिन पार्टी नेतृत्वसित विशेष महाधिवेशनको माग गरेका थियौं,’उनले भने, ‘तर नेतृत्वले हाम्रो मागलाइ लत्याइयो ।’
आठौ महाधिवेशनमा पार्टी नेतृत्वले निर्वाचनलाइ मुख्य कार्यदिशा बनाएपछि आफूहरुले फरक मत राख्न परेको भण्डारीको भनाइ छ । आफूहरुले सातौं महाधिवेशनको क्रान्तिकारी कार्यदिशाको निरन्तरता, रक्षा र विकासलाई अगाडि बढाएको उनले बताएं । त्यो कार्यदिशालाई तात्कालिन नेतृत्वले छाडिसकेको हुनाले क्रान्तिकारी मूलधारलाई समेटेर नयाँ पार्टी निर्माणा गरेको उनले बताए । मोहोनबिक्रम मूलधारबाट विचलित भएर दक्षिणपन्थी विसर्जनवादको बाटो समातेको उनको आरोप थियो । जनतालाइ आवश्यक नभएको संघियता खारेज गरिएन भने देश विदेशी रिणले डुब्दै जाने भएकाले संघियता खारेज हुनुपर्ने बताए । दलाल पुजीवादलाइ प्रहार गर्नका लागि मंसिर ४ मा हुने संसदिय निर्वाचनलाइ बहिस्कार गर्न आफ्नो पार्टीले जनतालाइ अपिल गर्दै घरदैलो गरिरहेको बताए ।                https://youtu.be/4GN64NZzjG8