क्रान्तिकारी पत्रकार संगठन नेपालको अध्यक्षमा डिल्लीराज रावत चयन भएका छन । बुधबार राजधानीमा सम्पन्न केन्द्रिय समितिको प्रथम पुर्ण बैठकले रावतको अध्यक्षतामा पदाधिकारी समेत चयन गरेको छ ।
संगठनको उपाध्यक्षमा दिप बहादुर घर्ती र जन्मदेब जैसी, महासचिवमा बाबुराम भुषाल, सविचमा बैकुण्ठ गिरी, जीवन हमाल, उन्नती चौधरी, रुपेन्द्र ऐडी, राजेन्द्र अधिकारी, राज कपुर महर्जन, साहाश भट्ट, धनन्जय बुढा र कोषाध्यक्षमा तिलक अधिकारीलाई सर्वसम्मत चयन गरेको छ ।
प्रदेश संरचनालाई समेत समेट्ने गरी एक भन्दा बढी सचीव चयन गर्ने नीति अनुसार नगरकोट सम्मेलनले पास गरेको बिधान अनुसार नै सचिवहरु चयन गरिएको छ ।
गत बैशाख १५, १६, र १७ गते सम्पन्न तेस्रो राष्ट्रिय सम्मेलनबाट निर्वाचित ५१ सदस्यीय कार्यसमितिले आजबाट पूर्णता पाएको छ ।
सम्मेलनबाट पछि ३ थप्ने गरि भएका ४८ सदस्यीय समितिले केहि नयाँ सदस्य पनि थपेको छ ।
हेटौंडामा ३ बर्ष पहिला सम्पन्न सम्मेलन पनि आजकै दिन अर्थात २०७२ असोज ११ गते नै प्रभात चलाउनेको नेतृत्वमा पदाधिकारीसहितको केन्द्रिय समिती चयन गर्दै सम्पन्न भएको थियो ।
बैठकले संगठनका निबर्तमान कोषाध्यक्ष नवराज ढकाललाई कृष्णसेन ईच्छुक स्मृती पत्रकारीता पुरस्कार प्रदान गरेको छ ।