News Portal

रेडियो सुन्नुहोस्

जोखिमै छ जुम्री बजार क्षेत्र

‘स्थानीय भन्छन्,‘पहिलेको स्थानमा जुम्री खोलो फर्केयो भने जुम्री बजार बच्दैन’

सुजता थापा क्षत्री/तेजेन्द्र बिएम२०७८ साउन १५
७३२ पटक
२०७८ साउन १५

प्यूठान । जुम्री खोलाकै बहाव अवरुद्ध हुने गरी प्यूठान नगरपालिका २, ३ र ४ वडाको सींमाना पर्ने जुम्री बजार क्षेत्रको बगरमा धमाधम घर घडेरी निर्माण भइरहेका छन् । यो क्षेत्रमा केहि वर्षयता नयाँ बजार बनेको छ । खोलाले विस्तार गरेको बहाव क्षेत्रमै आफ्नो निजी जमिन भन्दै स्थानीयले प्लटीङ गर्नेहरुलाई जग्गा बिक्रिगरेपछि पक्की संरचना निर्माण हुन थालेको हो योत्र क्रम रोकिएको छैन ।

सरकारले भवन निर्माणसंहितामा खोलाले बनाएको बगरमा भवन निर्माण गर्न नहुने गरी मापदण्ड बनाएको छ । तर, यहा“ यो नियम कार्यान्वयन छैन । विपद् व्यवस्थापनको दृष्टिले जोखिम रहेको क्षेत्रमै धमाधम घरहरु निर्माण भइरहँदा स्थानीय प्रशासन र नगरपालिका मुखदर्शक छन् । हिउँदमा खोलो सानो देखेर घडेरी किनेकाहरु बर्खा लागेपछि झस्किन्छन्, रातभरी निदाउदैनन् ।

जुम्री खोला आसपासका वस्ती तथा बजार क्षेत्रनै जोखिममा रहेको स्थानीय हेमन्त पाठकले बताउनुभयो । २०४४ सालमा नापिनक्सा हुँदा खोलको भाग कुनै स्थानमा १८ मिटर र साँघुरो भएको स्थानमा ४ मिटरचौडा सम्म नापी रहेको नापी कार्यालयको रेकर्डमा छ । हाल जुम्रीको पक्कि पुल भन्दा माथि खयरघारीसम्म खोलाको भागलाई सडक मानेर वरीपरि घरहरु निर्माण भएका छन् ।

 

स्थानीय अग्रज टंकबहादुर खड्काले जानकारी गराउनुभयो । ‘अहिले बगिरहेको खोला पुल देखि माथिको भाग निजि जग्गामा पर्दछ,’ पक्कि पुल भन्दा तल्लो क्षेत्रमा खोलो आफ्नै भागमा बगेको छ उहाले भन्नुभयो ।’ पहिले जुम्रीखोलोमा बाढी आउदा न्यूनतम ५० मिटर चौडा बगर बनाइ बग्ने गरेको स्थानीय बताउँछन् । ‘बाह्रवर्षमा खोलो फर्कन्छ भनिन्छ,’ जुम्री खोला किनार क्षेत्रमा घर भएका एक स्थानीयले भन्नुभयो,‘साच्चिकै पहिलेको स्थानमा जुम्री खोलो फर्केयो भने जुम्री बजार बच्दैन ।,’

भिडियो

प्रतिकृया दिनुहोस्

हामीस‌ग जोडिनुहोस।

कहॉ रोकियो पर्यटकीय पदमार्ग ?

प्यूठानको स्वर्गद्रारीबाट गौमुखी पुग्ने पर्यटकीय पदमार्ग वर्षौ देखि अलपत्र परेको छ । पछिल्ला वर्षहरुमा केन्द्रिय,...

प्यूठानको गौँमुखीमा अरिङगालले टोकेर एक जनाको मृत्यु ,५ घाइते

प्यूठानको गौंमुखी गाउँपालिका ५ खुङमा अरिङगालले टोकेर एक जनाको मृत्यु भएको छ । पाँच जना...

शिक्षा पहिलो प्राथमिकतामा किन पर्दैन?

विषय प्रवेश : हरेक राजनीतिकर्मी, अधिकारकर्मी, समाजसेवी, बौद्धिककर्मीले विकास र समृद्धिका कुरा गर्दा, भाषण गर्दा...

जीवनकाे रङ्ग : बुटिक कलामा रम्दै मनि

फेशन डिजाइन र बुटिकले नङ र मासुको जस्तो सम्बन्ध कायम गरेको छ । फेसन डिजाइनिङ...

हामिस‌ग जोडिनुहोस।

समाचार सुचना र मनोरञ्जनका लागी