News Portal

रेडियो सुन्नुहोस्

जो चार महिनादेखि ओछ्यानबाट उठेकी छैनन्

तेजेन्द्र बिएम२०७८ साउन २७
२७४५ पटक
२०७८ साउन २७

प्यूठान नगरपालिका–६, बासपानीकी १८, वर्षीय बोनि पुन मगरको स्वास्थ्य अवस्था कहाली लाग्दो छ । गत साल चैत ३१ गते बेलुकी उनको जीवनमा अकल्पनीय घटना घट्यो । त्यसपछि चौबीसै घण्टा ओछ्यानमा बस्नु पर्ने दिन सुरु भएका छन् उनका । त्यस दीन बेलुकी दीदिसंगै बारिमा घास काट्न गएकी थिइन बोनि । तेजु फल खान रुखमा चढ्नु, हागो भाचिएर लड्नु र ढाडको मेरुदण्ड भाचिनुले उनका जीवनमा सम्पूर्ण भाग्य खोसिनु सरह भएको छ ।

घटनापछि हतार–हतार उनलाई प्यूठान अस्पताल बिजुवार ल्याइयो । त्यहाँ उपचार भएन । युनिभर्सल मेडिकल कलेज भैरहवा पु¥याइएको थियो । उपचारको लागि महिनौ बस्न पर्ने भयो । १ महिनामै श्रीमानले ऋण खोजेर लगेको करिब ४ लाख रुपैया“ सकियो । थप उपचार गर्नको लागि कतैबाट थप ऋण श्रीमानले पाएनन् । अनि बोनिलाई श्रीमानले घर फर्काए । बोनी घरमा श्रीमानको सहरामा ओछ्यानमै रातदिन बिताइरहेकी छन् ।

 

श्रीमान रोजगारीको सिलसिलामा ईन्डिया गएको ३५ दिनमै श्रीमतीको दुःखद घटनाले गर्दा घर फर्केका थिए । गत वर्ष पौष ५ गते उनीहरुको मागी विबाह भएको थियो । घरको आर्थिक स्थिति कमजोर भएकाले पढाई छोडेका श्रीमान भरत पुन विबाह पछि श्रीमती र बुबा आमासंगै सम्पूर्ण परिवारलाई खुसी दिन विबाह गरेको करिब ढेड महिनापछि फागुन २१ गते ईन्डिया गएका थिए । ‘गएको १ महिना भएको थियो,’ भरतले भने, ‘घरमा यस्तो बज्रपात पर्यो । फर्के ।’ ‘ओछ्यानमै थला परेकी श्रीमतीलाइ स्याहार सुसार गरेर बसेको छु ,’ उनले भने । न त उनी श्रीमतीको राम्रो उपचार गर्न सक्छन्, न त उनको साथ छोड्ननै ।

बोनीको कम्मर मुनि दायाँ, बायाँ र पछाडिको भागमा ओछ्यानमा सुत्दा सुत्दा ठूला ठूला घाउ भएका छन् । घाउ बल्झेर सडेको छ । उनको कम्मर देखि तलको भाग चल्दैन । ‘अस्पतालबाट घर लिएपछी एक्कासि घाउ हुन थाल्यो’ भरतले भने, ‘गाउकै स्वास्थ चौकिमा झोलुङ्गो लगाएर बोकेर ल्याउदै ड्रेसिङ् गराउदै गरिराखेको छुँ ।’ सन्चो हुनुको साटो घाउ ठूलो बन्दै गएको भरत बताउ“छन् ।

पूनःअस्पताल लैजाने पैसा थिएन । शरीरको अन्य भागमा समेत घाउ हुन थालेपछि बल्लतल्ल आफन्तिको सहयोगमा बुधबार प्युठान अस्पताल ल्याएको भरतले बताए । उनको उपचार यहा“ सम्भब नहुने भएकाले काठमाडौ लग्न चिकित्सकले सुझाएका छन् । बाहिर लग्ने उपचार खर्चको जोहो गर्न नसकेर भरतले पूनः श्रीमतीलाइ घर फर्काका छन् ।

जिल्ला अस्पतालसम्म ल्याउन प्यूठान नगरपालिकाले गाडि पुग्ने स्थानसम्म गाडि पठाइदिएको थियो । ‘चिकित्सकले बाहिर लग्नुस् भनेका थिए, ’भरतले गहभरी आ“शु झार्दै बल्लबल्ल बोल्दै भने,‘ कतै बाट सहयोग भएर उनको उपचार गर्न सके निकै खुसी हुन्थे ।’ बुहारीलाइ गाडि चल्ने स्थान ढुंगेठाटीसम्म गाउलेले झोलुंगोमा राखेर बोकेर ल्याएका भरतका दाजु कुलबहादुर पुनले बताए ।

प्रतिकृया दिनुहोस्

माण्डवी गाउँपालिकामा महोत्सव लाग्दै

प्यूठानको माण्डवी गाउँपालिका १ त्रिवेणीमा कृषि तथा पर्यटन प्रवद्धनका लागि प्रथम माण्डवी महोत्सव सञ्चालन हुने...

सामुदायिक विपद व्यवस्थापन समितिको क्षमता वृद्धि तालिम प्यूठान नगरपालिकामा

प्यूठान नगरपालिकामा समुदायको अगुवाईमा विपद जोखिम न्युनिकरण परियोजना अन्तर्गत सामुदायिक विपद व्यवस्थापन समितिको क्षमता वृद्धि...

नेपाल नेत्रज्योति संघको २८ औं स्थापना दिवसमा निशुल्क आँखा परीक्षण

नेपाल नेत्रज्योति संघको २८ औं स्थापना दिवसको अवसरमा निशुल्क आँखा परीक्षण गरिएको छ । मंगलबार...

रङ्गहरूको पर्व होली, पहाडी जिल्लाहरूमा हर्षाेउल्लासका साथ मनाइँदै

आज फागु पूर्णिमा अर्थात रङ्गहरूको पर्व होली, पहाडी जिल्लाहरूमा एकआपसमा हर्षाेउल्लासका साथ मनाइँदै छ ।...

डाक्टर महावीर पुन प्यूठानमा

राष्ट्रिय आविष्कार केन्द्रका संचालक वैज्ञानि डाक्टर महावीर पुन प्युठान अएका छन । आफ्नो जिवन काहानी...