News Portal

रेडियो सुन्नुहोस्

सारीबाङ्गमा राख्न परेन यस वर्ष फड्के

झोलुङ्गे पुल निर्माणले सहज

सुजाता थापा क्षेत्री२०७८ मंसिर १५, प्यूठान
६४८ पटक
२०७८ मंसिर १५, प्यूठान

प्यूठान नगरपालिका ४ र १० र मल्लरानी गाउँपालिका ४ सारीबाङ जोड्ने पुल निर्माण भएपछि स्थानीयलाई राहत मिलेको छ । स्थानीयको वर्षौ देखिको मागपछि यहाँ २ सय ५९ मिटर लामो झोलुङ्गे पुल निर्माण भएको हो ।


पुल निर्माण गर्न पहल समिति नै गठनगरि १२ वर्ष देखि केन्द्रसम्म पुल निर्माणको माग गर्दै आएको प्यूठान नगरपालिका, १० सारिबाङ्गका हेमराज पराजुलीले बताए । झोलुङ्गे पुल निर्माण समितिका अध्यक्ष समेत रहेका पराजुलीले वर्षौ अलपत्र परेको पुल निर्माण यस वर्ष सकिएको बताए । यहाँ झोलुङ्गे पुल नहुँदा अस्पताल, क्याम्पस, वर्षायामको समयमा झिमरुक फाँटमा खेतमा पानी लगाउन स्थानीयलाई धेरै समस्या थियो । पुल निर्मापछि खेतिपातीको लागि र बजार, अस्पताल पुग्न सहज भएको स्थानीय मानबहादुर केसीले बताए ।


पहिले प्रत्येक वर्ष वर्षायाम पछि प्यूठान नगरपािलका.–१०, सारिबाङ्ग र मल्लरानी गाउँपालिका.–४ सारिबाङ्गका स्थानीयहरुले काठ काटेर झिमरुक खोलामा फड्के पुल बनाउँदै आइरहेका थिए । यस वर्ष स्थानीयलाई फड्के बनाउन परेन । बाग्दुलाको पुल वा जोखिम मोलेर खोलापारी जान पर्ने समस्या हिजोआज हल भएको स्थानीय करन शाहले बताए ।

पहिले कयौँ बालबालिका लगायत धान पराल जस्ता काम गर्दा हावाको वेगका कारण उडाएर खोलामा खस्ने गरेको पीडा शाहले पोखे । आँखा भरि आँसु लिँदै लक्ष्मी देवी नेपाली भन्छिन, ‘पुल नभएकै कारण मेरो श्रीमान् खोला तर्न खोज्दा बगाएर बित्नु भएको थियो,’ स्थानीय लक्ष्मी देखि नेपालीले भनिन,‘अव खोलाले हामीलाई दुःख दिनैन ।’ २०६२ साल साउनको २२ गते यही ठाउबाट श्रीमान धन बहादुरलाई झिमरुक खोलाले बगाएको उनले बताइन् । पहिले अनेकौँ विपत्ति खेप्नु परेपनि अहिले झोलुङ्गे पुल बनेपछि सारिबाङ्गका स्थानीय खुशी छन् । पुल संघिय मामिला तथा सामान्य प्रशासन मन्त्रालय, स्थानीय पूर्वाधार विभाग कार्यक्रम अन्तर्गत सस्पेन्सन बृज डिभिजनको सहयोगमा निर्माण गरिएको हो । पुलको भारवहन क्षमता ९३ मेट्रिक टन रहेको छ । निलगिरी निर्माण सेवा प्रालिले भ्याट सहित २ करोड २० लाख ३५ हजारमा ठेक्का पारेर पुल निर्माणको जिम्मा लिएको थियो ।

 

 

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

एकिकृत कृषि कार्यालयद्वारा चालु वर्षका योजनाहरुको अनुगमन

एकिकृत कृषि तथा पशुपंक्षी विकास कार्यालय प्यूठानले चालु आर्थिक वर्षमा सञ्चालित विभिन्न योजनाको अनुगमन गरेको...

बीमाको विषयमा पत्रकारसंग अन्तरक्रिया सम्पन्न

बीमाको विषयमा पत्रकारहरुसँग छलफल तथा अन्तरक्रिया कार्यक्रम जुम्रीमा सम्पन्न भएको छ । नेपाल बीमा प्राधिकरण...

प्यूठानमा विगतभन्दा धेरै बजेट आएको छः मन्त्री थापा

लुम्बिनी प्रदेशका सहरी विकास तथा खानेपानी मन्त्री सरोज थापाले विगतभन्दा जिल्लामा धेरै बजेट आएको बताएका...

सामुदायिकतर्फ सर्वोदय माविको नतिजा जिल्लामै उत्कृष्ट

शैक्षिक वर्ष २०८१ को एसइई नतिजामा सर्बोदय माध्यमिक विद्यालयको नतिजा प्यूठानमै उत्कृष्ट भएको छ ।...

एसइईमा सुध्रियो प्यूठानको नतिजा, भानुभक्तका प्रज्वल जिल्ला प्रथम

एसइई परीक्षा २०८१ को नतिजा सार्वजनिक भएको छ। अघिल्लो वर्षको तुलनामा यो वर्षको नतिजामा सुधार...