एकाएक विद्यार्थी वेहोस हुने, चिच्याउने र काम्ने समस्या देखिएपछी अमृत जिवन मा.वी नागरीकोट एक हप्ताका लागि वन्द हुने भएको छ। अनौठो समस्या देखिएपछी एक हप्ताका लागि विद्यालय वन्द गर्ने निर्णय भएको विद्यालय श्रोतले जनाएको छ।

अहिले अमृत जिवन मा.वी. नारिकोटमा स्वास्थ्यकर्मी सहित जिल्लास्थित सरोकारवालाको टोलि पुगेको छ। विद्यालयमा अहिले विद्यार्थीलाई काउन्सिलिङ भईरहेको जिल्ला अस्पत्ताल प्यूठानका डा. सोफिया थापाले जानकारी दिनुभयो।

उक्त विद्यालयमा असार पहिलो हप्दादेखि विद्यार्थी काप्ने, वेहोस हुने, चिच्याउने लगायतका समस्या देखा परेको विद्यालयका शिक्षक सन्तोष पोख्रेलले जानकारी दिनुभएको छ। पोख्रेलका अनुसार आज(बिहिबार) मात्र ४८ जना विद्यार्थी वेहोस भएका छन्। जसमध्य ३७ छात्रा र ११ जना छात्र रहेका छन्। सुरुमा(असार ५ गते) कक्षा ३ कि छात्रा विमला वि.क. लाई देखिएको यो समस्या क्रमिक रुपमा अरुमा सर्दै गईरहेको छ। कक्षा ३ देखि ७ सम्मका १० देखि १५ वर्ष उमेरसमुहका विद्यार्थीमा यो समस्या देखिएको छ।

के कारणले विद्यार्थीहरु एकाएक वेहोस भईरहेका छन् भन्नेवारे पुस्टी नभईसकेपनि मास हिस्टेरीयाका कारण त्यस्तो समस्या देखा परेको हुनसक्ने आसंका गरिएको छ। प्रारम्भिक रुपमा हेर्दा मास हिस्टेरीया जस्तो देखिने यो रोग मानसिक हुने र एकवाट अर्कोमा सर्दै जाने जिल्ला स्वास्थ्य कार्यालय प्यूठानमा कार्यरत डा. समिर लामाले वताउनु भयो।