प्यूठान नगरपालिका वडा नं ७ टिकुरी बसपार्क देखि अलिकति तल बाँध बाँधेर क्वाडीसम्म सिँचाईको लागि लगिने कुलो वडा नं ७ भित्रको सत्तरी फाँट, सिम्ले लगायत क्षेत्रमा अव्यवस्थित छ । उक्त सिँचाई कुलोको छेउछाउमा खलंगा, बड्डाँडा, सारीबाङ, भित्रिकोट, टिकुरी लगायतका स्थानीय किसानहरुको खेत छ । सो कुलोमा व्यवस्थित वाँध नभएका कारण ती किसानले समस्या खेप्नु परेको छ। अव्यवस्थित कुलोमा छेकबाँध नभएकाले खेत खोल्दैे खेतहरुमा कुलोको पानी अनावश्यक पस्दा ठुला ठुला खाडलहरु समेत बनाएको छ ।

पटकपटक सम्बन्धित वडा र नगरपालिका धाउँदा पनि उनीहरुको कुरा सुनुवाई नभएको किसानहरुको भनाई छ । स्थानीय विष्णुदेवी खत्रीले कुलोको कारण धेरै समस्या भोग्नु परेको गुनासो गरिन । उनले आफ्नो खेत कुलोको छेउँमा परेको कारण पटकपटक बाँध लगाउँदा पनि कुलोले बाँध भत्काई खेतीलाई असर पारेको बताइन । वर्षयाममा दर्जनौ किसानलाई समस्या निम्ताउने कुलोको व्यवस्थापनमा सरोकारवाला निकायको ध्यान जावस् ।