नेपाल कम्युनिष्ट पार्टी प्यूठानले पार्टी प्रवक्ता एवम् स्थायी समिति सदस्य खडक बहादुर बिश्वकर्मा (प्रकाण्ड) लगायतका नेता कार्यकर्ता हरूको गैह्रन्यायिक गिरफ्तारी को विरोधमा आज प्यूठानमा कोणसभा सम्पन्न गरेको छ। प्यूठानको माण्डवी गाउपालिका चकचकेमा आयोजित कोणसभालाई जिल्ला सचिवालय सदस्य एवम् स्वर्गद्वारी नगरपालिका ईन्चार्ज गिरू प्रसाद भुसाल (परिवर्तन) लगायतका नेताहरु ले सम्बोधन गरेका थिए। कोणसभा लाई सम्बोधन गर्दै सरकारले शान्तिपूर्ण रूपमा सभा सम्मेलन गर्न पाउने संवैधानिक हक लाई समेत प्रतिबन्ध लगाउन खोजेर फासिवादी चरित्र उदाङ्गो पारेको बताए।
विना कारण गिरफ्तार गरिएका पार्टी प्रवक्ता खडक बहादुर बिश्वकर्मा लगायतका नेता कार्यकर्ता हरुलाई बिना शर्त रिहा को माग गर्दै रिहा नगरिए शशक्त प्रतिवाद गर्न समेत आफ्नो पार्टी तयार रहेको बताएका छन्।
नेपाल कम्युनिष्ट पार्टी ले आफ्नो पार्टीका नेता कार्यकर्ता रिहाईको लागि चरणबद्ध संघर्षका कार्यक्रम घोषणा गरेको उक्त पार्टीले श्रावण २९ गते नेपाल बन्दको आयोजना गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
