प्यूठान नगरपालिका ४ बिजुवार खेलमैदान नजिकै निर्माणाधिन ब्याडमिन्टन कभडहल अलपत्र परेको छ । एक वर्ष पहिले संघीय सरकारबाट प्यूठान नगरपालिका मार्फत २० लाख रुपैयाँ आएर निर्माण थालिएको कभडहल अलपत्र परेको हो ।

कभडहल निर्माण गर्न स्थानीय २० जना खेलालडीले २०/२० हजार सहयोग संकलन गरेका थिए । माथिबाट आएको बजेट र स्थानीय खेलाडीले सहयोग संकलन गरेर भुई ढलान, छाना निर्माण कभडहल निर्माण समितिका अध्यक्ष खुमबहादुर गैरेले बताए । त्यपछि कतैबाट बजेट बिनियोजन नभएपछि भवन अलपत्र परेका हो ।

गत बैशाखकमा आएको हावाहुरीले कभडहलमा राखीएका फलामका पोलहरु बांगो बनाएर छानानै बंगाएको छ । कभडहल निर्माण पूरा गर्नको लागि लुम्बिनी प्रदेश सरकार, प्यूठान नगरपालिकामा बजेटको माग गरेपनि कतैबाट सम्बोधन नभएकाले कभडहल अलपत्र परेको कभडहल निर्माण समितिका सचिव मिनबहादुर कुवँरले बताए । उनले यसपालि पनि प्यूठान नगरपालिकामा बजेटको माग गरेको बताए ।