दाङको लमही नगरपालिका कृषि शाखाले ७ हजार बढि फलफूलका बिरुवा बितरण गरेको छ । कृषि शाखाले २ दिनको अवधीमा ७५ प्रतिशत विरूण विरूवा अनुदानमा बितरण गरेको कृषि शाखा प्रमुख गंगा चौधरीले जानकारी दिएकी छन् ।
शाखाको बार्षिक कार्यक्रम अन्तरगत कुल ७ हजार २५ वटा बिरुवा बितरण गरेको हो । नगरपालिका भित्रका सबै कृषकहरुलाई आँप, लिची, अनार, कागती जातका फलफूल बितरण गरिएको थियो ।
यस्तै गरिबी निवारणका लागि लघु उद्यम विकास कार्यक्रमको आयोजनामा नयाँ लघु उद्यम महिला समुहहरुलाई प्रविधि हस्तान्तरण कार्यक्रम बिहीबार देखि लमहीमा सुरू भएको छ । संघिय सरकार ससर्त अनुदान मार्फत कुल ३ लाख २४ हजारको लगानीमा उक्त प्रविधि वितरण सुरु भएको हो ।
२०७८÷७९ सालको बजेटबाट सो कार्य सुरु भएको हो । जस अन्तर्गत महिला समुहहरुलाई सिलाई मेसिन, चप्पल बनाउने मेसिन, राइस मिल डिजिटल काँटा सहित थुप्रै मेसिनरी समानहरु बितरण गर्ने कार्य योजना रहेको छ । जुन नयाँ लघु उद्यम महिला समुहहरुलाई मात्रै बितरण गरिने  बताएको छ ।
लमही नगरपालिकाको वडा नम्बर १ देखि ९ सम्मका नयाँ लघु उद्यम ब्यबसाय संचालन गर्न खोज्ने समुहको परिचान गरेर बार्षिक कार्यक्रम अन्तगत उक्त प्रबिधिका मेसिनरी समानहरु बितरण गरिएको हो ।