ईलाका प्रहरी कार्यालय बिजुवार प्यूठानले साईबर क्राईम सम्बन्धी जनचेतनामुलक कार्यक्रम गरेको छ । इलाका प्रहरी कार्यालय बिजुवार प्यूठानका असई राम बचन चौधरीको नेतृत्वमा खटिएको टोलीले आज प्यूठान नगरपालिका वडा नं.३ सापडाँडामा साइबर क्राईम सम्बन्धी जनचेतनामुलक कार्यक्रम गरिएको हो ।

पछिल्लो समय सामाजिक संजाल मोवाईल, इमेल, इन्टरनेट, फेसबुक म्यासेन्जरबाट अपराधिक घटनाहरु बढ्दै गईरहेको छ । सामाजिक संजालको प्रयोगबाट समाजमा विभिन्न किसिमका अपराधिक घटनाहरु बढेको भन्दै त्यसलाई न्यूनीकरण गर्नका लागि सचेतनामुलक कार्यक्रम गरिएको असई चौधरीले बताए ।

कार्यक्रममा साइबर क्राइम भनेको के हो ? साइबर क्राइमका माध्यमबाट हुने ठगी, विभिन्न खालका नकारात्मक गतिवीधि, साईबर क्राइम सम्बन्धी कानुनी व्यवस्था लगाएतका बारेमा स्थानियलाई सचेत गराइएको छ ।

कार्यक्रममा प्यूठान नगरपालिका वडा नं.३ का वडा सदस्य मिन बहादुर खड्का, सापडाडा आधारभूत विद्यालयका प्रधानाध्यापक गेहराज अधिकारी, प्रहरी, स्थानीय, बुद्धिजीवी लगाएतको उपस्थिती रहेको थियो ।