प्यूठानको माण्डबी गाउँपालिका ४ खरिन्डेमा घरमाथिबाट आएको पहिरोले घर पुरिदा ६ जना बेपत्ता भएका छन । चार दिन देखि अविरलरुपमा परेको बर्षाका कारण शुक्रबार (आजं) दिउँसो आएको पहिरोले स्थानीय भिमबहादुर राहुमगरको घर पुरीदा ६ जना बेपत्ता भएको स्थानीय रिषी अधिकारीले जानकारी दिए ।
उद्धारको लागि प्रहरी चौकी देवीस्थानबाट घटनास्थलमा प्रहरी पुग्दै गरेको जिल्ला प्रहरी कार्यालय प्यूठानका प्रहरी प्रमुख डिएसपी सुवास   खड्काले जानकारी दिए । देविस्थान-मर्काबाङ सडक अवरुद्ध भएकाले गाडि जानसक्ने अवस्था छैन् । प्रहरी अझै घटना स्थलमा पुगी सकेको छैन् । विस्तृत विवरण आउन बाँकी रहेको प्रहरीले जनाएको छ । यस्तै माण्डबी १ स्थित अरङखोलाले बगाउँदा यहाँका ३५ वर्षीय धनबहादुर सुनार बेपत्ता भएको प्रहरीले जनाएको छ ।