News Portal

रेडियो सुन्नुहोस्

लगानीको अभावले सामुदायिक घरबास कार्यक्रम प्रभावकारी भएन

सिखबर संवाददाताप्यूठान चैत्र/प्युठान
८४७ पटक
प्यूठान चैत्र/प्युठान

घरवास कार्यक्रम (होम स्टेहरु) लगानीको अभावमा सुनसान बन्दै गएका छन् ।

जिल्लाका केही पर्यटकिय क्षेत्रहरु धनवाङ, ओखरकोट, दिहाल्नामा रहेका होम स्टे तथा गौमुखी क्षेत्रमा अवस्थित विभिन्न पर्यटकीय स्थलहरूलाई पर्यटकीय गन्तव्यका रूपमा विकास गर्ने उद्देश्यले ‘होम स्टे’ सञ्चालन गर्ने तयारी थालीए पनि अहिले ती होम स्टेहरु सञ्चालनमा आउन सकेका छैनन् । सरोकारवालाहरुको केवल मौसमी हल्लाले पर्यटन क्षेत्रमा गरिएका लगानी बालुवामा पानी जस्तै भएका छन् ।
पर्याप्त संभावना रहेको प्यूठानको पर्यटन क्षेत्रको विकासमा केन्द्रित भै धनवाङमा रहेको होम स्टेमा शूरुको बर्षमा ५०० पर्यटकहरु भित्रिएता पनि अहिलेको बर्ष पर्यटकहरु आउन नसकेको स्वर्गद्धारी धनवाङमा होम स्टे सञ्चालन गरेका मिन बहादुर रानाले बताए । उनले भने “बर्षायाममा सडक सञ्जालको विस्तार नहुनु तथा प्रसार प्रसारमा समेत पर्याप्त ध्यान दिन नसक्नुले होम स्टेहरु नारामा सिमित हुन पुगेको छ।” भजन किर्तन, विभिन्न साँस्कृति झल्कने खालका नाच, गितहरु देखाएर पर्यटकहरुलाई मनोरञ्जन प्रदान गर्ने वुढा पाकाहरुबाट युवाहरुले नसिक्दा लोभ हुने खतरा त छदैछ अझ निरन्तर रुपमा पर्यटकहरु भित्राउन नसक्दा होम स्टे सञ्चालकहरु चिन्तित बनेका छन् ।

शुरुमा ‘पर्यटन प्रवद्र्धनबाट सिङ्गो गाउँको मुहार फेर्ने लक्ष्य रहेकोे बताउदै आएका ओखरकोट पर्यटन विकास तथा सेवा समितिका सदस्य तथा ‘होम स्टे’ सञ्चालक राजेन्द्र जिसीले उचित प्रचारप्रसारको अभावले ओझेलमा परेको उनको भनाई छ । ओखरकोट र चौकेमा गरी १५ घरमा सञ्चालन भएको होम स्टेमा गत बर्ष जर्मन, इराक, फ्रान्सबाट समेत अवलोकन गर्न आएका थिए तर पछिल्लो बर्ष होम स्टे एक जना पनि भित्राउन नसकिएको जिसीले बताए ।

होम स्टेमा आर्कषण ल्याउन स्थानीय अन्न वालीबाट निर्मित ढिडो, सिस्नु, भेज ममः, मकै, गहूँवाट, फापरबाट निर्मित रोटी खुवाएर भोजन र शोरठी, भजन, नेपाली लाके संस्कृति , नेपाली पञ्चेवाजामा मनोरञ्जन जस्ता ब्यबस्था त गरिएको छ तर पर्यटकहरु आउन नसक्दा होम स्टेहरु सुनसान रहेको जि.सी.को भनाई छ ।

बर्षेनी प्यूठानका ग्रामीण बस्ती, ग्रामीण चालचलन, रितिरिवाज, भेषाभुषा, भाषा संस्कृति संरक्षण गर्न सरकारको पहलकदमी नबढ्नुले थप पर्यटकहरु भित्राउन नसकिएको स्थानीयहरुले बताउछन् । पर्यटकिय क्षेत्रको लगानीमा प्रचारप्रसार भन्दा मोटरबाटो भए विकास हुन्छ भन्ने मानसिकताले थप घरबास कार्यक्रम प्रभावकारी नभएको उनीहरुको भनाई छ ।

प्रतिकृया दिनुहोस्

हुलाक नियमावली संशोधनसँगै हुलाक कर्मचारी कटौती

सरकारले अतिरिक्त हुलाक नियमावली संशोधन गरेसंगै हुलाक सेवामा कार्यरत १० हजार पाँच सय भन्दा बढी  कर्मचारीले अवकाश...

वडाध्यक्षद्वारा आगलागी पीडितलाई आर्थिक सहयोग

माण्डवी गाउँपालिका ३ का वडाध्यक्ष धनेन्द्र कार्कीले आगलागी पीडितलाई आर्थिक सहयोग गरेका छन् । बुधबार...

जिवावती सामुदायिक विपद व्यवस्थापन समितिले आगलागी पिडितलाई राहत सामाग्री दियो

जिबावती सामुदायिक विपद व्यवस्थापन समितिले प्यूठान नगरपालिका ३ बिजयनगरका आगलागी पिडितलाई राहत सामाग्री उपलब्ध गराएकोे...

गजल वाचन तथा लेखन प्रशिक्षण कार्यक्रम पुण्यखोलामा सम्पन्न

गजल वाचन तथा लेखन प्रशिक्षण कार्यक्रम स्वर्गद्धारी बहुमुखी क्याम्पस पुण्यखोलामा सम्पन्न भएको छ । कार्यक्रमका...

प्यूठानमा बैंक तथा वित्तिय संस्थाहरुको तदर्थ समिति गठन

प्यूठान जिल्लामा बैंक तथा वित्तिय संस्थाहरुको तदर्थ समिति गठन गरिएको छ । जिल्लाका सबै बैंक...