प्यूठानमा महोत्सव लाग्ने भएको छ । “लुम्बिनी प्रदेश स्तरीय कृषि, उर्जा तथा औद्योगिक व्यापार मेला, स्वर्गद्वारी प्यूठान पाँचौ महोत्सव २०७९” भन्ने मुल नाराका साथ फागुन ४ गतेदेखी १४ गते सम्म महोत्सव संचालन हुन लागेको हो ।
जिल्लाको औद्योगिक, पर्यटकीय, कृषिजन्य एवं विविध सांस्कृतिक, धार्मिक तथा पर्यटकीय गन्तयहरुको प्रबद्घन एवम् प्रचार प्रसारका माध्यमबाट साना ठुला लगानीकर्ताहरुलाई आकर्षित गर्ने, कृषिजन्य उद्योग स्थापनाका लागि लगानीमैत्री वातावरण निर्माण गर्ने र लगानीकर्तालाई प्रोत्साहन गर्ने उद्देश्यले महोत्सव संचालन गर्न लागिएको प्यूठान उद्योग वाणिज्य संघले जनाएको छ ।
उद्योग वाणिज्य संघले महोत्सवको विषयमा विभिन्न सरोकारवाला निकाय, संघसंस्था, व्यवसायीहरुसँग छलफल भईरहेको जानकारी दिएको छ ।