प्रधानमन्त्री स्वरोजगार कार्यक्रम अन्तरगत मान्डवि गाउँपालिका ३ मा सम्पन्न भएका एक हजार मिटर पक्कि कुलो तथा सार्वजनिक धारो निर्माणको अनुगमन गरिएको छ । शनिबार ३ नं वडा अध्यक्ष सहितको टोलिले हो । यो आर्थिक बर्षमा मार्सिवाङमा ६ सय मिटर, नयाँ गाउँको फाँटमा २ सय ३० मिटर, दारिमचौरमा ९० र जावुनेमा ८० गरि कुल एक हजार मिटरको कुलो सम्पन्न भएको छ ।
त्यस्तै यसै आर्थिक बर्षमा नै जीर्ण अवस्थामा रहेको जावुने बाटो छेउमै रहेको धाराको समेत प्रधानमन्त्री स्वरोजगार कार्य बाट नै निर्माण गरिएको अध्यक्ष कार्कीले जानकारी दिए । स्वर्गद्वारी घुम्न जाने तिर्थालु समेत सोही धारोको बाटो हुँदै जाने र त्यही नै थकान मेटाउन, नास्ता खानको लागि बस्ने गर्दछन् त्यसले पनि यो क्षेत्रलाई प्रभाव पार्न सक्ने भन्दै धारो मर्मत गरिएको कार्कीको भनाइ छ । पहिलेको भन्दा यो बर्ष स्वरोजगार कार्यक्रमबाट विकासको सफलता पाएको महसुस गरेको पनि उनले बताए ।

त्यस्तै सबै कार्यहरु स्वरोजगार बाट हुन सक्ने संभावन नभएपछि वडाले मेट्रियल किन्नको लागि पालिकामा बजेटको माग गरेको थियो । सोहि बजेट पालिकाबाट अनुमोदन भएपछि काम गरिएको अध्यक्ष कार्कीले जानकारी दिए । पहिले कुलो नाला मात्र सफा गर्दै गर्दा विकासको महसुस गर्न नसकिए पछि अहिले केही मात्रामा कामलाई परिमार्जन गर्दै यस्ता काम गर्दा विकासको संभावना देखिएकाले सोही कामलाई अगाडी बढाइएको वडा अध्यक्ष काकीले बताए