झुलेनी नेटवर्क २०८२ चैत्र १३ गते
२०८२ चैत्र १३ गतेप्यूठानको झिम्रुक गाउँपालिका–३ आहालखोलामा मिनी बस दुर्घटना हुँदा १६ जना घाइते भएका छन् ।
शुक्रबार बिहान बाँदिकोटबाट बुटवल जाँदै गरेको स्वर्गद्वारी यातायात प्रा.लि. को मिनी बस आज बिहान करिब ७ः२० बजे दुर्घटनामा परेको हो ।
दुर्घटनामा घाइते भएका सबैलाई उपचारका लागि प्यूठान अस्पताल र निमतारा पोलिक्लिनिक बिजुवारमा ल्याइएको प्रहरीले जनाएको छ ।
घाइतेमध्ये प्यूठान नगरपालिका–२ क्वाडीकी ५१ वर्षीया बिमला विष्टसहित ७ जनालाई थप उपचारका लागि बुटवल रिफर गरिएको छ । एक जनाको अवस्था गम्भिर रहेको प्रहरीले जनाएको छ ।
दुर्घटनाको कारणबारे अनुसन्धान भइरहेको जिल्ला प्रहरी कार्यालय प्यूठानका प्रमुख नरहरि अधिकारीले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
