प्यूठान
पछिल्लो समय जातीय मुद्धाका विषयमा सम्वन्धीत क्षेत्रमा खासै प्रभाव नदेखीयता पनि सरोकारवाला भने सकारात्मक देखिन्छन । ५८ औँ अन्तराष्ट्रिय जातिय रंगभेद उन्मुलन दिवश एक कार्यक्रमका विच प्यूठानमा मनाइएको छ ।
गौमुखी गाउँपालिका कि निर्वतमान उपाध्यक्ष तुल्सी सुनारले आफ्नो कार्यकालमा विभेदका कुरा केहि कम भएको अनुभव सुनाइन । उनि उपाध्यक्ष हुँदा र नहुँदाको छुवाछुत भेदभाव फरक रहेको बताउछिन । उनले भनिन “आफु गाउँपालिकाको उपाध्यक्ष भैरहदा सवै कुराको अनुभव त गर्न पाइन तर उपाध्यक्ष भए पछि समाजले फरक दृष्टिले हेरेको छ ” ।
त्यस्तै दलित जनप्रतिनीहरुको पनि निति निर्माण र अगुवा भएर गाउँमा काम गर्दा केहि हद सम्म छुवाछुत प्रथा कम भएको बताउछन । जिल्लामा छुवाछुत प्रथा कम भएको र यसलाई अन्त्य गर्नका लागि सवैको सोच परिवर्तन हुनु पर्ने दलित अगुवाहरु बताउछन ।
दलितहरुको मुद्दामा दलित दलितहरुबिच मतभेत नराखी एक हुनु पर्ने प्रमुख जिल्ला अधिकारी बेद प्रसाद अर्यालको भनाई छ । कानुनी र प्रशासनीक रुपमा दलितका हक अधिकार समेटिएको हुँदा यसलाई कार्यान्वयनमा लग्नु पर्ने अर्यालले बताए ।
दलितका हक हितका लागि स्थानीय सरकार पनि सकारात्मक रहेको प्यूठान नगरपालिकाका नगर प्रमुख बिष्णु बहादुर योगि बताउछन । स्थानीय तहमा दलितहरुको सहभागिताले समाजमा थप प्रभाव भएको उनको भनाई छ ।

हरेक कार्यक्रम हुनेखाने र पहुँचका लागि मात्र भएता पनि सम्वन्धीत क्षेत्रको सहभागिता कम देखिन्छ । दलित पत्रकार महासंघ प्यूठानको आयोजनामा मंगलबार प्यूठानका विभिन्न सरोकारवालको उपस्थीत रहेको थियो ।