२०८० श्रावण ६ शुक्रबार राती परेको अविरल बर्षाका कारण प्यूठान नगरपालिका १० का विभिन्न स्थानमा क्षति पुगेको छ। अविरल बर्षातका कारण ६५ घरधुरी जोखिममा परेका छन। छेपाने र काफलबुटाबाट झरेको लेदोसहितको बाढीले स्थानीय राम बहादुर जि.सी को २ वटा बाख्रा, डेढ क्वीन्टल कुखुरा र कुटानीपिसानी गर्ने मिल बगाएको हो ।
अविरल बर्षाका कारण क्षति तथा जोखिमयुक्त क्षेत्रमा खटिएर खरिबोट बजार देखि बुढादेबी बजारसम्म जोडिएको पुल अबरुद्ध हुँदा जेसीविको प्रयोग गरेर बाटो खुलाएको प्यूठान नगरपालिकाका नगर उपप्रमुख देबेन्द्र बर्माले जानकारी दिए । उनका अनुसार ती जोखिमयूक्त ठाउँहरुमा नगरपालिका शुक्रबार देखि शनिबार सम्म निरन्तर रुपमा खटेको समेत बताए ।
साथै बुढादेबी बजार, खरिबोट बजार र भुसवाङ खोला आसपासका बस्ती गरी करिब ६५ घरहरु जोखिममा रहेको प्यूठान नगरपालिका १० का वडा अध्यक्ष लोक बहादुर के.सीले बताए।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
