अर्खा मा.वि अर्खाको नेपाल यूवा रेडक्रस सर्कलको आयोजनामा भएको मा.वि स्तरीय मिनि म्याराथुन दौड प्रतियोगिता सम्पन्न भएको छ ।

मंगलबार भएको ३ हजार मिटर मिनि म्याराथुन दौडमा छात्र तर्फ पहिलो अर्खा मा.वि का कुल बहादुर सुनार, दोस्रो खरा मा.वि का इन्द्र पुन मगर, तेस्रो गौमुखी मा.वि का किरण पुन मगर भएका छन भने छात्रा तर्फ खरा मा.वि की अन्जली मल्ल पहिलो, भृकुटी मा.वि की निर्मला बोहोर दोस्रो र गौमुखी मा.वि की स्मृती मल्ल तेस्रो भएकी छिन् । विजेताले क्रमश ३ हजार, २ हजार ५ सय, २ हजार मेडल र प्रमाणपत्र प्राप्त गरेका छन् ।

नेपाल रेडक्रस सोसाईटीको ३८ औं जिल्ला गोष्ठीबाट गाउँपालिकामा प्रतियोगिताका लागि जिम्मा लिएका विद्यालयहरुको साझेदारीमा भएको नेपाल रेडक्रस सोसाईटी गौमुखी उपशाखाका सभापति जोगिन्द्र मल्लले जानकारी दिए । उनका अनुसार दौड प्रतियोगितामा पालिका भित्र रहेका ६ मा.वि बाट छात्र तथा छात्राहरुले सहभागि जनाएका थिए ।

नेपाल यूवा रेडक्रस सर्कलका अध्यक्ष प्रदिप थापाको अध्यक्षतामा भएको कार्यक्रमको प्रमुख अतिथि नेपाल रेडक्रस सोसाईटी गौमुखी उपशाखाका सभापति जोगिन्द्र मल्ल रहेका थिए । अर्खा मा.वि अर्खामा भएको कार्यक्रम सञ्चालन शिक्षक नायक खिम बहादुर पुन मगरले गरेका हुन् ।

फोटो : जोगिन्द्र मल्ल