२०८१ पौष २८माण्डवी गाउँपालिकामा दोस्रो अध्यक्ष कप आइतबार सम्पन्न भएको छ । शुक्रवारदेखि माण्डवी गाउँपालिका ३ मार्सिवाङ खेलमैदानमा सुरु भएको कपमा पुरुष भलिबल, महिला भलिबल र पुरुष क्रिकेट प्रतियोगिता सम्पन्न भएका छन् ।
पुरुष भलिबल तर्फ माण्डवी–५ रम्दी प्रथम, माण्डवी–२ मर्कावाङ दोस्रो र माण्डवी–४ उदयपुर कोटका खेलाडी तेस्रो भएका छन् । महिला भलिबल तर्फ माण्डवी–५ रम्दी प्रथम, माण्डवी–३ नयाँगाउँ दोस्रो र माण्डवी–४ उदयपुर कोटका खेलाडी तेस्रो भएका छन् । यस्तै क्रिकेट तर्फ माण्डवी–५ रम्दी प्रथम माण्डवी–३ नयाँगाउँ दोस्रो र माण्डवी–४ उदयपुर कोटका खेलाडी तेस्रो भएका छन् ।
सबै खेलहरूमा प्रथम हुनेलाई ४० हजार, द्धितिय हुनेलाई ३० हजार, तृतीय हुनेलाई २० हजार र हरेक विद्याका उत्कृष्ट १–१ जना खेलाडीलाई ५ हजार सहित ट्रफि, मेडल र प्रमाणपत्र वितरण गरिएको छ ।
प्रतियोगिताका विजेता, रेफ्री, एम्पाएर र उत्कृष्ट खेलाडीहरूलाई गाउँपालिका अध्यक्ष नमराज अधिकारी, उपाध्यक्ष पूर्ण प्रसाद कालाथोकी, प्रमुख प्रशासकीय अधिकृत भिमकान्त भण्डारी लगायतले नगद, ट्रफी, प्रमाणपत्र र मेडल प्रदान गरेका छन् ।
पुरस्कार वितरण कार्यक्रममा विजेता खेलाडीलाई शुभकामना दिँदै पालिका अध्यक्ष अधिकारीले सहभागी सबै खेलाडीलाई खेलमा निरन्तरता र प्रगतिको कामना गरेका छन् । समापन कार्यक्रममा उपाध्यक्ष, प्रमुख प्रशासकीय अधिकृत र अन्य जनप्रतिनिधिले विजेता खेलाडीलाई शुभकामना दिएका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
