झुलेनी नेटवर्क२०८१ माघ १०
२०८१ माघ १०लागुऔषध बिरुद्धको सचेतना कार्यक्रम मल्लरानी गाउँपालिकाको चुजाँठाटीमा सम्पन्न भएको छ ।
जिल्ला प्रशासन कार्यालय प्युठान र जिल्ला प्रहरी कार्यालय प्युठानको संयुक्त आयोजनामा मल्लरानी गाउँपालिकाको- २ चुजाँठाटीमा कार्यक्रम सम्पन्न भएको हो ।
प्रमुख जिल्ला अधिकारी रमा आचार्य (सुवेदी) को अध्यक्षता तथा मल्लरानी गाउँपालिकाका अध्यक्ष कृष्ण बहादुर खड्काको प्रमुख आतिथ्यतामा भएको कार्यक्रममा प्युठान जिल्लामा लागु औषधको प्रयोग र अवस्थाका बिषयमा जानकारी गराईएको थियो ।
कार्यक्रममा प्रहरी नायब उपरिक्षक दिपेश बस्यालले प्युठान जिल्लामा लागुऔषध र यससंग सम्बन्धित विविध अपराधको अवस्था र सुरक्षा चुनौतिको बारेमा सहजीकरण गरेका थिए ।
कार्यक्रममा स्थानीय राजनैतिक दलका प्रतिनिधीहरु, स्थानीय बासी तथा आमासमुहहरुको उपस्थिति रहेको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
