बुढ्यौली उमेरको अवैध शारीरिक सम्बन्ध लुकाउन प्यूठानमा एक जोडिले वृद्धको बीभत्स हत्या गरेको छ । नाताले दिदिसासु–ज्वाँई पर्ने गौमुखी गाउँपालिका वडा नं. ५ बस्ने ५१ वर्षीय लोक बहादुर गिरी र ५० वर्षीय जेदु कुमारी न्यौपानेले ६९ वर्षीय चिन्तामणि न्यौपानेको हत्या गरेका हुन् ।

खुङको उपल्लो फुर्सेधारामा शुक्रवार बिहान टाउको, अनुहार, नाक र मुखमा गहिरो चोट र रगताम्मे अवस्थामा फेला परेको शवको अनुसन्धान गर्ने क्रममा प्रहरीले अवैध सम्बन्ध लुकाउन हत्या गरेको निष्कर्ष निकालेको छ ।  

हत्या आरोपित दुवै जना एकै ठाउँ सुतेका बेला करिब १ वर्षअघि उपाध्यायले चुकुल लगाएर थुनेका थिए । त्यही रिसईविको बदला लिने उनीहरूको उद्देश्य पछि हत्याको योजनामा बदलिएको प्रहरी निष्कर्ष छ । दुवै आरोपितबिचको अवैध सम्बन्ध थाहा पाएका उपाध्यायको न्यौपानेसँग फोन सम्पर्क भएको कल डिटेलबाट पत्ता लागेको जिल्ला प्रहरी कार्यालय प्यूठानका प्रहरी निरीक्षक केशव केसीले बताए । सोही कल डिटेलकै आधारमा प्रहरी अनुसन्धानको नजिक पुगेको हो ।

श्रोतका अनुसार मृतक उपाध्याय र आरोपित महिलाबिच पहिले सम्बन्ध थियो । उपाध्यायले रंगेहात पक्रेर चुकुल लगाएदेखि उनीहरूबिचको सम्बन्ध चिसिएको थियो । सम्बन्ध बिग्रेपछि महिलाले प्रेमीसँग मिलेर उनको हत्या योजना बनाएकी हुन । उपाध्यायलाई न्यौपानेले नै भेट्न राति फुर्सेधारामा बोलाएकी थिइन् ।

उनीहरूबिचको त्रिकोणात्मक सम्बन्ध, मदिरा सेवन र पुरानो रिसईविको कारण हत्या भएको प्रहरी निष्कर्ष छ । उनिहरुविरुद्ध कर्तव्य ज्यान मुद्दामा अनुसन्धान अगाडी बढाइएको जिल्ला प्रहरी कार्यालय प्यूठानका प्रमुख डिएसपी दिपेश बस्यालले बताए ।