२०८१ फागुन १प्यूठानमा १३ हजार ५७ जना किशोरीले पाठेघरको मुखमा हुने क्यान्सर गराउने ह्युमन प्यापिलोमा भाईरस विरुद्धको एचपिभि खोप लगाएका छन् । १३ हजार ७ सय ४० जनालाई लगाउने लक्ष्य रहेकोमा बुधबारसम्म १३ हजार ५७ जनाले खोप लगाएको स्वास्थ्य कार्यालय प्यूठानका कोल्डचेन निरीक्षक कौषलराज वैद्यले जानकारी दिएका छन् ।
गौमुखीमा १ हजार ४ सय ४१, नौबहिनी गाउँपालिकामा १ हजार ८ सय ८६, झिमरुक गाउँपालिकामा १ हजार ३ सय ४७, प्यूठान नगरपालिकामा २ हजार ४ सय १२, स्वर्गद्वारी नगरपालिकामा १ हजार ६ सय ९, माण्डवी गाउँपालिकामा १ हजार १ सय १०, मल्लरानी गाउँपालिकामा८ सय ८७, ऐरावती गाउँपालिकामा १ हजार ३३ र सरुमारानी गाउँपालिकामा १ हजार ३ सय ३२ जनाले खोप लगाएका हुन ।
जिल्लामा लक्ष्य राखिएकोमा ९५ प्रतिशत किसोरीले खोप लगाएका छन् । ऐरावती गाउँपालिकामा लक्ष्य राखिएको संख्याको सतप्रतिशत, माण्डवी र नौवहिनी गाउँपालिकामा ९६ प्रतिशत, स्वर्गद्वारी, गौमुखी, मल्लरानी र सरुमारानीमा ९५ प्रतिशत, प्यूठान नगरपालिकामा ९४ प्रतिशत र झिमरुक गाउँपालिकामा ९१ प्रतिशतले खोप लगाएका हुन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
