प्यूठान उद्योग वाणिज्य संघको अध्यक्षमा सन्देश आचार्य सर्वसहमत निर्वाचित भएका छन् । उम्मेद्वारी मनोनयनको समयमा सवै पदमा एकल उम्मेद्वारी परेको हो । निर्वाचन समितिले औपचारीक घोषणा गर्न बाँकि छ ।

संघको वरिष्ठ उपाध्यक्षमा कृष्णभक्त गिरी, वाणिज्य उपाध्यक्षमा रामचन्द्र पौडेल, उद्योग उपाध्यक्षमा गोविन्द कार्की, महासचिवमा झबिन्द्र शर्मा, उपमहासचिवमा पशुपती श्रेष्ठ र कोषाध्यक्षमा कुमार श्रेष्ठको उम्मेद्वारी परेको छ ।

जिल्ला समितिका सदस्यहरु विधानको व्यवस्था बमोजिम बजार ईलाकाहरुबाट सर्वसहमत निर्वाचित भईसकेका छन् । जिल्ला समितिको पदाधिकारीमा सवै पदमा एकल उम्मेद्वारी परेसंगै संघको सवै संरचनामा सर्वसहमत नेतृत्व चयन भएको छ ।