जलवायु परिवर्तन र अनुकूलन सम्बन्धी अभिमुखीकरण कार्यक्रम विजुवारमा सम्पन्न भएको छ । लुम्बिनी प्रदेश वन तथा वातावरण मन्त्रालयको आयोजनामा मङ्गलवार र बुधवार भएको कार्यक्रममा जनप्रतिनिधि, सरोकारवाला र सुरक्षा निकायको सहभागिता रहेको थियो ।

कार्यक्रममा बोल्दै लुम्बिनी प्रदेशका बन तथा वातावरण मन्त्री देवकरण प्रसाद कलवारले जलवायु परिवर्तन न्यूनीकरण र अनुकूलनका लागि साझा प्रयास आवश्यक रहेको बताए । डढेलो लाग्नु दुर्भाग्य रहेको बताउँदै मन्त्री कलवारले त्यसको नियन्त्रण गर्नुपर्ने बताए । व्यवहारमा देखिएपछि मात्र गोष्ठीको अर्थ रहने उनको भनाई छ ।

प्यूठानका ३ वटा सुरक्षा निकायलाई ३–३ सेटका दरले डढेलो नियन्त्रण सम्बन्धी सामाग्री वितरण गरिएको छ । अभिमुखीकरणको उद्घाटन सत्रमा मन्त्री कलवार, लुम्बिनी प्रदेश सभा सदस्य निमा गिरी र प्यूठान नगरपालिकाका नगरप्रमुख विष्णु बहादुर योगीले सामाग्री हस्तान्तरण गरेका थिए ।