२०८१ चैत्र २६प्युठान नगरपालिका १ क्वाडी बेलुवामा सोमबारदेखि बेलपत्रेश्वर विराट धार्मिक महायज्ञ, शिव महापुराण तथा श्रृङ्गारिक गंगा महाआरती अनुष्ठान सुरु भएको छ।
बेलपत्रेश्वर महादेव मन्दिर व्यवस्थापन समितिको आयोजनामा सुरु भएको वैशाख ४ गतेसम्म सञ्चालन हुने आयोजकले जनाएको छ।
बेलपत्रेश्वर विराट धार्मिक महायज्ञको लुम्बिनी प्रदेश सांसद तथा पूर्व मन्त्री तुलसीराम शर्माले उद्घाटन गरेका छन। उद्घाटनको क्रममा प्रमुख अतिथी सांसद शर्माले धार्मिक महायज्ञले जिल्लाका धार्मिक तथा पर्यटकीय स्थलको प्रचारप्रसार गरी पर्यटक भित्राउन र जिल्लालाई चिनाउनका लागि योगदान दिने बताए।
बेलपत्रेश्वर विराट महायज्ञबाट बचेको रकमले सचिवालय सहितको धर्मशाला र संस्कृति पठनपाठनका लागि भवन निर्माण गर्ने बेलपत्रेश्वर महादेव मन्दिर व्यवस्थापन समितिका अध्यक्ष तथा बेलपत्रेश्वर धार्मिक महायज्ञ मूल समारोह समितिका संयोजक शिव योगीले बताए ।
विराट महायज्ञमा प्रमुख कथा वाचक पण्डित सागर गुरागाईले कथा वाचन गर्ने आयोजकले जनाएको छ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
