२०८२ साउन १३अन्तर पुस्ता महिलावादी मंच (टेवा)को अनुपम अभियान अन्तरगत हस्ताक्षेर संकलन कार्यक्रम प्यूठानमा सम्पन्न भएको छ । राजनीतिक खवरदारीलाइ लक्षित गरि थालिएको अभियान मंगलवार जुम्रीमा सम्पन्न भएको हो ।
प्यूठान जिल्लाका विभिन्न संघसस्था, नागरिक समाज , महिला अधिकारकर्मी , पत्रकार, अभियान्ता संगको अन्तरक्रिया कार्यक्रममा टेवा कार्यक्रमकी संस्थापक ७४ वर्षिया रिता थापाले पछाडि पारीएका समुदाय र महिलाको आवाज वुलन्द गर्दै उनिहरुलाइ राष्ट्रको हरेक तहमा निर्णायक भुमिकामा पुर्याउने उदेश्यले यो वर्षलाई हस्ताक्षर अभियान अन्तरगत लिईएको बताइन ।
वैसाख महिनादेखी सुरु गरिएको अनुपम कार्यक्रमको हस्ताक्षर अभियान हालसम्म ४४ वटा जिल्लामा सम्पन्न भएको र संकलित हस्ताक्षर दलहरुको कार्यालयहरुमा लगेर वुझाइने उनले बताईन ।
कार्यक्रममा प्यूठान नगरपालिकाका पूर्व मेयर अर्जून कुमार कक्षपतिले नीति निर्माण गर्ने ठाउमा सक्षम र क्षमतावान महिलालाइ पठाउन अवस्यक रहेको बताए । जनप्रतिनिधि निर्मला पोख्रेलले नीति–नियम नफेरिदासम्म महिला अधिकारको विषय पछी परिरहने बताइन । राज्यले सुनिस्चित गरेको विषय स्थानीय तहहरुले कार्यान्वयन नगर्दा महिला अधिकारमा समस्या आएको बक्ताहरुले वताए ।
कार्यक्रममा गैर सरकारी संस्था महासंघ प्यूठानका अध्यक्ष विजय श्रेष्ठ, गुमानराज पुलामी , लगायत सरोकारवालाले मन्तव्य राखेका थिए । प्यूठान नगरपालिका ४ जुम्रीमा भएको कार्यक्रमको सञ्चालन पार्वता अचार्यले गरेकी थिइन । कार्यक्रममा २८ जनाले हस्ताक्षेर गरेका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
