चुँजा युवा क्लवले पहिलो वार्षिक उत्सव मनाएको छ ।

२०८१ मा मल्लरानी २ चुँजाका युवाहरुले स्थापना गरेको क्लवले शनिवार पहिलो स्थापना दिवस मनाएको हो । दिवसका अवसरमा क्लबले खुल्ला तीज गीत, नृत्य प्रतियोगिता आयोजना गरेको थियो ।

प्रतियोगितामा १० टिमले भाग लिएका थिए । सक्रिय महिला समुह चुँजा, भानुभक्त माध्यमिक विद्यालय बर्वोट, दिदी बहिनी आमा समुह कुडारा क्रमस पहिलो दोस्रो र तेस्रो भएका छन । चन्द्रमुखी आमा समुह पानीगैरा सान्तोना भएको छ ।

प्रतियोगि टिमलाइ क्रमश ६ हजार ,४ हजार पाँच सय, ३ हजार र दुई हजार पुरस्कार प्रदान गरिएको क्लबले जनाएको छ । कार्यक्रम सम्पन्न गर्न सहयोग गर्ने १ सय बढी युवालाइ सम्मान पत्रले साम्मान गरिएको थियो ।
कार्यक्रममा क्लबका सल्लाहकार देविराम केसीले समाज रुपान्तर र सामाजिक विकृतीको अन्त्य गर्ने उदेश्यले क्लव स्थापना गरिएको बताए । उनले गाउँमा खानेपानीको समस्यालाइ समाधान गर्न क्लवले महत्वपूर्ण भूमिका खेल्ने बताए ।

क्लवका उपाध्यक्ष रुकमणी नेपालीको अध्यक्षतामा भएको कार्यक्रमको प्रमुख अथिति मल्लरानी गाउँपालिकाका उपाध्यक्ष रमेशकुमार श्रेष्ठ रहेका थिए । कार्यक्रमको संचालन सचिव पदम पौडेलले गरेका थिए ।