गौमुखी गाउँपालिका ३ रजवारामा डेढ लाख रुपैयाँ नगद पुरस्कार राशि रहेको भलिबल प्रतियोगिता हुने भएको छ । बृहत् बडा दसैँ मेला तथा श्री तिखाचुली कप २०८२ अन्तरगत असोज १७ गतेदेखि खुला भलिबल तथा विविध खेलकुद प्रतियोगिता हुन लागेको हो ।

तीन छुट्टाछुट्टै विधामा हुन लागेको प्रतियोगिता मध्य खुला पुरुष भलिबल प्रतियोगिताको प्रथम पुरस्कार १ लाख ५० हजार रुपैयाँ रहेको आयोजक संस्था तिखाचुली युवा क्लबले जनाएको छ । उक्त प्रतियोगिताको दोस्रो पुरस्कार १ लाख र तेस्रो पुरस्कार ७५ हजार रहेको क्लबका अध्यक्ष माधव कुमार कार्कीले बताए ।

त्यस्तै खुला महिला भलिबलतर्फ प्रथम ३२ हजार, द्धितिय २२ हजार र तृतीय १२ हजार पुरस्कार रहेको कार्कीले बताए । भने खुला लोक नृत्यतर्फ प्रथम पुरस्कार ८ हजार, द्धितिय पुरस्कार ६ हजार र तृतीय पुरस्कार तीन हजार रहेको छ ।

विभिन्न विधाका उत्कृष्ट खेलाडीले पाउने पुरस्कार सहित कुल ४ लाख २२ हजार रकम पुरस्कार रहेको प्रतियोगिताको मुख्य प्रायोजक गौमुखी गाउँपालिका रहेको छ । भने प्रायोजक गौमुखी गाउँपालिका वडा नं. ३ को कार्यालय रहेको आयोजकले जनाएको छ ।

जिल्लामै हालसम्मको ठुलो राशिको यो प्रतियोगिताले खेल क्षेत्रको विकासका लागि महत्त्वपूर्ण योगदान गर्ने अपेक्षा गरिएको अध्यक्ष कार्कीको भनाई छ ।