देशवाहिरवाट आएका नगरवासिलाई अत्यावश्यक अवस्थावाहेक कम्तिमा २ हप्ता आफ्नै घरमा वस्न प्यूठान नगरपालीकाले अनुरोध गरेको छ। कतिपय संक्रमितमा संक्रमणपछी लक्षण नदेखिने तर अरुलाई सार्नसक्ने भएकाले संक्रमित क्षेत्रवाट आएका नगरवासिलाई रोगको लक्षण नदेखिएपनी घरभित्र सुरक्षित रहेर अरुको सम्पर्कमा नजान नगरपालीकाले आह्वान गरेको हो।

नोवल कोरोना भाईरस (कोभिड १९) को संक्रमणवाट वच्नका लागि अत्यावश्यक काममा वाहेक भिडभाड र मानिस जम्मा हुने ठाउमा नजान नगरपालीकाले अनुरोध गरेको छ। जरुरी अवस्थावाहेक सेवाग्राहिको चाप धेरै हुने कार्यालय, स्वास्थ्यसंस्था, सार्वजनीक यातायात लगायत भिडभाड हुने स्थानमा नजान आग्रह गरेको छ।

आज नगरप्रमुख अर्जुनकुमार कक्षपतीको अध्यक्षतामा वसेको स्वास्थ्यकर्मी, पत्रकार र सरोकारवालाको संयुक्त वैठकले संक्रमणवाट जोगिन सजगता अपनाउनुका साथै त्रसित नहुनको निम्ति नगरक्षेत्रका वस्तिहरुमा माईकिङ्ग गर्ने निर्णय गरेको छ। विश्वव्यापी रुपमा फैलिएको नोवल कोरोनाको संक्रमण हुन नदिन सरकारका सवै निर्णयहरु कार्यन्वयन गर्नसमेत सवैमा आग्रह गरेको छ।

प्यूठान नगरपालीकाले भैपरि आउने अवस्थामा स्वास्थ्यसामाग्री, खाध्यसामाग्री र अत्यावश्यक वस्तुको अभाव हुन नदिन आवश्यक तयारी गरेको नगरप्रमुख कक्षपतीले वताउनु भयो। ईमरजेन्सी अवस्थामा स्वास्थ्यकर्मीलाइ खटाउन आवश्यक पर्ने सामाग्री सहित अौषधिसमेत तयारी अवस्थामा राखिएको नगरप्रमुख कक्षपतीले वताउनु भयो।