नौबहिनी गाउँपालिका वडा नं ६ लुङ टापुमा स्थानिय मजदुरहरुका लागि राहत वितरण गरिएको छ। कोरानो भाइरसका कारण लकडाउनको समयमा दैनिक ज्याला मजदुर गरि खाने मजदुरहरुलाई राहत वितरण गर्ने सरकारी निर्णय अनुसार गाउँपालिकाले राहत वितरण गरेको हो।
गाउँपालिकाले शुक्रबार एक कार्यक्रमका वीच १६ घरपरियारलाई राहत वितरण गरिएको वडा अध्यक्ष माधव सिंह के.सीले जानकारी दिनुभयो। प्रति परिवार ३० के.जी चामल,२ के.जी दाल, १ लिटर तेल, १ किलो नुन वितरण गरिएको हो।
वडामा राहत वितरण गरिएता पनि विवादका कारण १६ घरपरिवार बाहेक अरुलाई वितरण गर्न नसकि राहत वितरण कार्यक्रम स्थगित भएको छ। वडामा अत्यन्तै गरिव ज्याला मजदुरी गरि खानेलाई क वर्गमा राखेर राहत वितरण गर्न वडाले खोजे पनि अन्य ब्यक्तिहरु पनि राहत वितरण स्थलमा आएर बिरोध गरेपछि राहत वितरण कार्यक्रम स्थगित गरिएको अध्यक्ष के.सीको भनाई छ। राजनितिक पुर्वाग्रहका कारण केहि मजदुरहरुले राहत नपाएको भन्दै विरोध गरेका छन्। हामी पनि गरिखाने मजदुर हो स्थानिय राम बहादुर घर्तीले भन्नुभयो–“ राहतमा वडा अध्यक्षले राजनितिक गर्नुभयो यसमा हाम्रो आपत्ति छ।”
त्यस्तै वडामा ज्याला मजदुरी गरि खाने जीवन घर्ती, खगिसरा लगाएतले राहत नपाएको स्थानिय बुद्धिजीवि बसन्ता के.सी. बताउनुभयो। उहाँले वास्तविक पिडितले भन्दा पनि अन्यले राहत पाएको बताउनुभयो।