सुर्योदय लघुवित्त बित्तिय संस्था शाखा कार्यालय खनदह अर्घाखाँचीको शाखा प्रमुख सुशिला केसीले तिज खर्च कटाएर शंकर परियारको उपचारमा सहयोग गर्नुभएको छ।

प्यूठानको मल्लरानी गाउँपालिका वडा नं. १ अरबाङका शंकर परियारको उपचारको निम्ती उहाँले तिजखर्च कटाएर सहयोग गर्नुभएको हो। “कोरोना भाइरसको उच्च जोखिममा यसपालिको तिज मनाइदैन”  शाखा प्रमुख के.सीले भन्नुभयो–“म तिज खर्च कटाएर त्यो भाईलाई पाँच हजार रुपैयाँ सहयोग गर्छु।” झिमरुक गाउँपालिका वडा नं ६ तोरबाङ प्यूठान निवासी के.सीले हरितालिका तिजमा रमाइलो गर्नका लागि खर्च हुने रकम उपचार दिनुभएको हो।

त्यस्तै, मल्लरानी गाउँपालिका वडा नं. ३ मुन्डाँडा प्यूठान निवासी पदम परियारको जन्म दिन श्रावण २६ गते। हाल रोजगारको शिलशिलामा साउदी बस्दै आएका परियारले शंकरको बिषयमा समाचार पढेपछि जन्मदिन मनाउन खर्च हुने रकमबाट रु तिन हजार सहयोग गर्नुभएको छ। केक काट्ने मन थियो परियारले भन्नुभयो –“ शंकरको बिचल्लीको समाचार पढे, गरिबीको पिडाले मन दुख्यो उनलाई बचाउन सहयोग र्गछु।”