२८ वैशाख, रोल्पारोल्पा जिल्ला सुनिल स्मृति गाउँपालिका वडा नं. २, खुंग्री, देउखुरी खोला नजिकै आज शुक्रवार विहान करिब ७ बजेको समयमा ट्याक्टर र बस ठोकिँदा ट्याक्टरका चालकसहित २ जनाको घटना स्थलमै मृत्यु भएको छ ।
मृत्यु हुनेहरुमा सुनिल स्मृति गाउँपालिका वडा नं। ४, बाग्मा निवासी ट्याक्टर चालक २८ वर्षिय तारा रोकामगर र सोही वडाको पाल्लो छिर्नेका २८ वर्षिय शिव वली रहेका छन् ।
ट्याक्टरमा सवार अर्का १ जना गम्भीर घाइते भएका छन्। सल्यानका २४ वर्षीय किरण रानामगर घाइते भएका हुन् । घाइते रानालाई उपचारको लागि कोहलपुर मेडिकल कलेज पठाइएको छ ।
रोल्पामा भोलिदेखि शुरु हुने सभामुख कपको लागि भलिबलका पुरुष र महिला खेलाडीहरुलाई लिएर धनगढीबाट रोल्पाको लिबाङतर्फ आउँदै गरेको महाकाली यातायातको ना ४ ख ५२५ नं को बससँग विपरित दिशाबाट खुंग्रीतर्फ जाँदै गरेको लु ३ त ७१५६ नं को ट्याक्टर ठोकिँदा दुर्घटना भएको हो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
